Yangi Zelandiya bosh vaziri Jasinda Ardern mamlakatda yangi COVID-cheklovlari joriy etilishiga bag‘ishlangan matbuot anjumanida to‘yi bekor qilinganini aytdi. Bu haqda mahalliy nashrga tayanib, “RIA Novosti” xabar berdi.
Omikron shtammi tufayli Yangi Zelandiya 24-yanvar oqshomidan koronavirusga qarshi javob choralarining “qizil” darajasiga o‘tmoqchi. Ardernning aytishicha, endilikda tug‘ilgan kun va to‘y kabi tadbirlarda 100 dan ortiq mehmonlarning qatnashishiga ruxsat berilmaydi, vaksinatsiya sertifikatiga ega bo‘lmagan odamlar uchun esa ushbu limit 25 kishidan oshmaydi.
“Menga kelsak, to‘yim bo‘lmaydi, ammo men bu bilan pandemiya natijasida ushbu vaziyatni boshdan kechirgan yangi zelandiyaliklar qatoriga kiryapman, xolos”, — dedi Ardern matbuot anjumanida.
“Hayot shunaqa. Bemalol aytishim mumkinki, minglab yangi zelandiyaliklardan farqli joyim yo‘q”, — deydi mamlakatning bosh vaziri.
Avvalroq Yangi Zelandiyada majburiy emlash va lokdaunga qarshi norozilik namoyishlari bo‘lib o‘tgani haqida xabar berilgandi.
Mavzuga doir:
- Argentinada prezident rafiqasining karantinda tug‘ilgan kun nishonlashi janjalga sabab bo‘ldi
- Boris Jonsonning reytingi o‘tgan yilgi Rojdestvo ziyofati tufayli rekord darajada tushib ketdi. O‘sha paytda qat’iy lokdaun tufayli oddiy fuqarolarga hatto yaqinlarining dafn marosimiga borish taqiqlangandi
Izoh (0)