Futbol bo‘yicha Germaniya chempionatining 20-turidan o‘rin olgan o‘yinda “Borussiya D” 22-yanvar, shanba kuni “Hoffenhaym” bilan bahs yuritdi.
Umumiy hisobda 5 ta gol kiritilgan o‘yinda “Borussiya D” qiyin g‘alabaga erishdi. 6-daqiqada Erling Holand hisobni ochgan bo‘lsa, birinchi bo‘lim yakunida Andrey Kramarich muvozanatni tikladi.
Ikkinchi 45 daqiqalikning dastlabki yarmida dortmundlikar Marko Roys va avtogol evaziga hisobni ishonchli ko‘rinishga olib kelgandi. Biroq 77-daqiqaga kelib, Jorjinyo Ryutter oradagi farqni qisqartirdi.
Ushbu g‘alabadan keyin “Borussiya D”ning ochkolari soni 43 taga yetdi, jamoa 2-o‘rinda bormoqda. “Hoffenhaym” (31) esa 6-o‘rindan joy olgan.
Bundesliga
20-tur bahslari
22-yanvar, shanba
“Hoffenhaym” – “Borussiya D” 2:3
Gollar: 0:1 – 6 Holand, 1:1 – 45 Kramarich, 1:2 – 58 Roys, 1:3 – 66, avtogol Raum, 2:3 – 77 Ryutter.“Hoffenhaym”: Baumann, Fogt, Hyubner (Nordtveyt, 62), Richards, Raum (Bruun Larsen, 83), Gayger (Rudi, 62), Baumgartner (Ryutter, 9), Shtiller, Bebu, Kramarich, Dabbur.
“Borussiya D”: Kobel, Hummels, Akanji (Pongrachich, 83), Gerreyru, Brandt (Azar, 56), Daud, Bellinghem, Volf (Zagadu, 56), Roys, Malen (Mukoko, 83), Holand (Vitsel, 63).
Izoh (0)