Toshkent shahri Yakkasaroy tumanida 18-yanvar kuni hozirda ish faoliyati to‘xtatilgan kafe yonib ketdi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 18:08 da Beshyog‘och ko‘chasida joylashgan kafeda yong‘in sodir bo‘layotgan to‘g‘risida shahar FVBga murojaat kelib tushgan.
Shunga ko‘ra, 4 ta yong‘in-qutqaruv ekipaji voqea joyiga soat 18:15 da yetib borib, yong‘in soat 18:30 da qurshab olingan va soat 18:33 da bartaraf etilgan.
Yong‘in natijasida bino ichidagi, taxminan, 50 kvadrat metr maydonda chiqindilar yongan.
Hodisa oqibatida jabrlangan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.