Тошкент шаҳри Яккасарой туманида 18 январь куни ҳозирда иш фаолияти тўхтатилган кафе ёниб кетди. Бу ҳақда Фавқулодда вазиятлар вазирлиги хабар қилди.
Қайд этилишича, шу куни соат 18:08 да Бешёғоч кўчасида жойлашган кафеда ёнғин содир бўлаётган тўғрисида шаҳар ФВБга мурожаат келиб тушган.
Шунга кўра, 4 та ёнғин-қутқарув экипажи воқеа жойига соат 18:15 да етиб бориб, ёнғин соат 18:30 да қуршаб олинган ва соат 18:33 да бартараф этилган.
Ёнғин натижасида бино ичидаги, тахминан, 50 квадрат метр майдонда чиқиндилар ёнган.
Ҳодиса оқибатида жабрланган ва ҳалок бўлганлар йўқ.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.