Футбол бўйича Франция чемпионатининг 21-туридан ўрин олган икки учрашув 15 январь, шанба куни бўлиб ўтди.
«ПСЖ» ўз майдонида «Брест»ни қабул қилди ва ишончли ҳисобда ғалаба қозонди. Дастлаб Килиан Мбаппе фаоллик кўрсатиб, 32-дақиқада ҳисобни очди. Иккинчи бўлим аввалида эса Тило Керер ҳам ўз номини таблога ёздириб қўйди. Шундан сўнг дарвозаларга бошқа тўп киритилмади.
Шу тариқа Париж клуби Лионель Месси ва Неймар қатнашмаган ўйинда ишончли ғалабага эришди. Месси коронавирусдан кейин тикланиш жараёнини ўтказаётган бўлса, Неймар жароҳат сабаб беллашувни ўтказиб юборди.
Мазкур учрашувда Серхио Рамос илк марта «Парк де Пренс»да майдонга тушди. Ҳимоячи 72-дақиқада Анхель ди Марияни алмаштирди.
Ғалабадан кейин «ПСЖ» 50 очко билан пешқадамликни янада мустаҳкамлади. Жамоа 2-ўриндаги «Ницца»дан 11 очкога илгарилаб кетган.
Лига 1
21-тур баҳслари
15 январь, шанба
«ПСЖ» – «Брест» 2:0
Голлар: 1:0 – 32 Мбаппе, 2:0 – 53 Керер.«ПСЖ»: Доннарумма, Керер, Маркиньос, Кимпембе, Мендеш, Вейналдум (Данилу Перейра, 46), Эррера (Паредес, 80), Верратти (Мишю, 90), ди Мария (Рамос, 72), Икарди (Симонс, 80), Мбаппе.
«Брест»: Бизот, Пьер-Габриэль, Эрей (Брассе, 80), Шардонне, Дюверн, Февр (Бажи, 90), Манетти (Ласн, 59), Агуме (Мбок, 59), Кардона (Муне, 59), Ле Дуарон, Онора.
Огоҳлантиришлар: Эррера (24), Мбаппе (34), Манетти (34), Агуме (45), Кимпембе (55), Верратти (58), Шардонне (61), Данилу Перейра (65).
Изоҳ (0)