“Atletiko Mineyro” hujumchisi Diyego Kosta APLga qaytishi mumkin
33 yoshli futbolchiga Londonning “Arsenal” jamoasi qiziqish bildirmoqda. “Kanonirlar” norasmiy ravishda ispaniyalik futbolchining yaqin oradagi rejalariga qiziqqan.
Bundan tashqari, Kostaga “Korintians” jamoasidan ham taklif bor. Hozirda hujumchi “Atletiko Mineyro” bilan shartnomasini bekor qilishga yaqin. Diyego 2021-yilning avgust oyida jamoa safiga qo‘shilgan edi.
Kosta Braziliya chempionatida 15 ta o‘yinda maydonga tushib, 4 ta gol urishga muvaffaq bo‘ldi.
Ma’lumot uchun, braziliyalik futbolchi avval ham Angliyada faoliyat olib borgan. 2014—2017-yillar davomida “Chelsi” sharafini himoya qilib, 120 ta o‘yinda 59 ta golni o‘z hisobiga yozdirib qo‘ygan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)