“Manchester Yunayted” yarim himoyachisi Pol Pogba jamoani tark etishi mumkin.
Sport Witness nashrining xabariga ko‘ra, fransiyalik futbolchini “PSJ”ga o‘tish varianti qiziqtirib qo‘ygan. Parij klubi hozirda Pogbaning shartnomasi bilan bog‘liq vaziyatni diqqat bilan kuzatib bormoqda.
Polning “Manchester Yunayted” bilan amaldagi shartnomasi 2022-yilning yozida o‘z nihoyasiga yetadi. Tomonlar hozircha yangi bitim bo‘yicha kelishuvga erisha olmayapti. Yarim himoyachi “Manchester Yunayted”dagi holatidan norozi.
“PSJ”dan tashqari Pogbaning xizmatlariga, shuningdek, “Real” va “Yuventus” klublaridan ham qiziqishlar borligi haqida xabarlar yangramoqda.
Ma’lumot uchun, 28 yoshli futbolchi “qizillar” safida 2016-yildan beri harakat qilib keladi. U 2021/22-yilgi mavsumda barcha musobaqalarda 14 ta o‘yinda maydonga tushib, 7 ta golli uzatmaga mualliflik qildi.
Izoh (0)