Ispaniya Superkubogi yarim final bahsida “Barselona” va “Real Madrid” jamoalari 12-yanvar, chorshanba kuni o‘zaro bahs olib bordi.
Uchrashuvning 25-daqiqasida Vinisius Junior hisobni ochdi. 41-daqiqada Lyuk de Yong muvozanatni tikladi. 72-daqiqada Karim Benzema madridliklarni hisobda oldinga olib chiqdi. 83-daqiqada Xordi Albaning to‘p uzatishidan so‘ng Ansu Fati bosh bilan darvozani ishg‘ol qildi. Asosiy vaqt 2:2 hisobi bilan yakunlandi.
Qo‘shimcha bo‘limlarning dastlabkisida Federiko Valverde madridliklarga g‘alaba taqdim etuvchi gol muallifiga aylandi. Shu tariqa Karlo Anchelotti shogirdlari Ispaniya Superkubogi finaliga yo‘l oldi.
Superkubokning ikkinchi yarim finalida “Atletiko Madrid” “Atletik Bilbao”ga qarshi bahs olib boradi. Uchrashuv 13-yanvar kuni bo‘lib o‘tadi.
Ispaniya Superkubogi
Yarim final bahsi
12-yanvar, chorshanba
“Barselona” — “Real Madrid” 2:3
Gollar: 0:1 – 25 Vinisius Junior, 1:1 – 41 de Yong, 1:2 – 72 Benzema, 2:2 – 83 Fati, 2:3 – 98 Valverde.“Barselona”: ter Stegen, Pike, Arauxo, Alba, Buskets, de Yong (Pedri, 46), Gavi (Depay, 78), Dani Alves (Niko Gonsales, 78), de Yong (Fati, 66), Dembele, Ferran Torres (Ezzalzuli, 46, Jujla, 110).
“Real Madrid”: Kurtua, Karvaxal (Vaskes, 90), Nacho, Militao, Mendi, Modrich (Valverde, 83), Kroos, Kazemiro, Benzema, Asensio (Rodrigo, 68), Vinisius Junior (Kamavinga, 110).
Ogohlantirishlar: Ferran Torres (23), Dani Alves (51), Kazemiro (75), Valverde (99).
Izoh (0)