“Bavariya” va Robert Levandovski yangi shartnoma borasida kelisha olmayapti

“Bavariya” faxriy futbolchilari bilan yangi shartnoma borasida muzokara o‘tkazmoqda.

Manuel Noyer, Tomas Myuller va Robert Levandovskining Myunxen jamoasi bilan shartnomasi 2023-yilning yozida o‘z nihoyasiga yetadi. Jamoa siyosatiga ko‘ra, 30 yoshdan oshgan futbolchilarga bir yillik shartnoma taklif qilinadi.

Noyer va Myuller ushbu shartlarga rozi. Ikkala futbolchi ham jamoasini almashtirishni xohlamaydi va faoliyatini “Bavariya”da yakunlash istagida. Levandovski esa klubdan maoshi qisqarmagan holda uzoq yillik shartnoma xohlamoqda. Ammo rahbariyat polshalik futbolchining yoshini hisobga olib (Robert 33 yoshda), maoshi qisqarmagan uzoq yillik shartnoma taklif qilish tavakkalchilik deb hisoblamoqda.

Joriy mavsumda 35 yoshli Noyer “Bavariya” safida barcha musobaqalarda 25 ta o‘yinda ishtirok etib, o‘z darvozasidan 25 ta to‘p olib chiqdi. 32 yoshli Myuller 27 ta o‘yinda qatnashib, 8 tadan gol va golli uzatmani o‘z hisobiga yozdirib qo‘ydi. Levandovski esa 26 o‘yinda 31 ta gol urdi.