40 yoshli Ibrahimovich top-5 ligalarda 80 xil jamoaga gol urdi. Faqat Ronaldu bu ko‘rsatkichni qayd eta olgan

Zlatan Ibrahimovich A Seriya 21-turi doirasida “Venetsiya”ga qarshi kechgan uchrashuvda (3:0) gol muallifiga aylangandi.

40 yoshli shvetsiyalik futbolchi milliy chempionatlar doirasida 1999-yildan beri ketma-ket gol urib kelmoqda. “Venetsiya” u liga doirasidagi o‘yinlarda gol urgan 125-jamoa bo‘ldi.

Shuningdek, Ibrahimovich Yevropa top-5 ligalari doirasida 80-jamoaga to‘p kiritdi va bu borada eng yaxshi ko‘rsatkichga ega Krishtianu Ronalduga yetib oldi. Ronaldu 30-dekabr kuni “Byornli”ga qarshi bahsda mazkur natijani qayd etgandi.

Ibra APLda “Man Yunayted”, La Ligada “Barselona”, Liga 1 da “PSJ”, A Seriyada esa “Inter” va “Yuventus” jamoalarida ham to‘p tepgan. Ronaldu esa top-5 ligalarning “Manchester Yunayted” (APL), “Real Madrid” (La Liga) va “Yuventus” (A Seriya) kabi klublarida harakat qilgan.

1. Krishtianu Ronaldu — 80 xil klub
2. Zlatan Ibrahimovich — 80
3. Yurgen Klinsmann — 75
4. Edin Jeko — 69
5. Yuriy Jorkaeff — 68
6. Tyerri Anri — 65
7. Pyer-Emerik Obameyang — 63
8. Edinson Kavani — 62
9. Aleksis Sanches — 62
10. Fernando Torres — 61.