Испания Суперкубоги ярим финал баҳсида «Барселона» ва «Реал Мадрид» жамоалари 12 январь, чоршанба куни ўзаро баҳс олиб борди.
Учрашувнинг 25-дақиқасида Винисиус Жуниор ҳисобни очди. 41-дақиқада Люк де Йонг мувозанатни тиклади. 72-дақиқада Карим Бензема мадридликларни ҳисобда олдинга олиб чиқди. 83-дақиқада Хорди Альбанинг тўп узатишидан сўнг Ансу Фати бош билан дарвозани ишғол қилди. Асосий вақт 2:2 ҳисоби билан якунланди.
Қўшимча бўлимларнинг дастлабкисида Федерико Вальверде мадридликларга ғалаба тақдим этувчи гол муаллифига айланди. Шу тариқа Карло Анчелотти шогирдлари Испания Суперкубоги финалига йўл олди.
Суперкубокнинг иккинчи ярим финалида «Атлетико Мадрид» «Атлетик Бильбао»га қарши баҳс олиб боради. Учрашув 13 январь куни бўлиб ўтади.
Испания Суперкубоги
Ярим финал баҳси
12 январь, чоршанба
«Барселона» — «Реал Мадрид» 2:3
Голлар: 0:1 – 25 Винисиус Жуниор, 1:1 – 41 де Йонг, 1:2 – 72 Бензема, 2:2 – 83 Фати, 2:3 – 98 Вальверде.«Барселона»: тер Стеген, Пике, Араухо, Альба, Бускетс, де Йонг (Педри, 46), Гави (Депай, 78), Дани Алвес (Нико Гонсалес, 78), де Йонг (Фати, 66), Дембеле, Ферран Торрес (Эззалзули, 46, Жужла, 110).
«Реал Мадрид»: Куртуа, Карвахаль (Васкес, 90), Начо, Милитао, Менди, Модрич (Вальверде, 83), Кроос, Каземиро, Бензема, Асенсио (Родриго, 68), Винисиус Жуниор (Камавинга, 110).
Огоҳлантиришлар: Ферран Торрес (23), Дани Алвес (51), Каземиро (75), Вальверде (99).
Изоҳ (0)