Toshkent viloyati IIBB Probatsiya bo‘limi 2021-yilda Probatsiya hisobida turgan qancha mahkum muddatidan oldin ozodlikka chiqarilgani to‘g‘risida ma’lumot berdi.
Ma’lum qilinishicha, o‘tgan yil davomida nazoratdagi shaxslar bilan o‘tkazilgan profilaktik tadbir va sayyor sudlarda, mehnatga halol munosabatda bo‘lgan, cheklovlarga to‘liq rioya etgan 2 ming 398 nafar nazoratdagi shaxsning jazosi muddatidan ilgari shartli ravishda ozod etilgan.
Ozod qilingan shaxslarni ijtimoiy hayotga moslashtirish bo‘yicha 134 marotaba mehnat yarmarkasi tashkil etilib, unda 14 ming 343 nafariga ishga qabul qilish bo‘yicha yo‘llanma berilgan, 3 ming 793 nafari ishga joylashtirilgan. Shuningdek, 422 nafari kasbga yo‘naltirish bo‘yicha bepul o‘quv kurslariga borishi ta’minlanib, 220 nafari qayta kasbga yo‘naltirish bo‘yicha o‘qitilgan.
Olib borilgan chora tadbirlarga sud tomonidan belgilangan cheklovlarga amal qilmay, jazoni o‘tashdan qasddan bo‘yin tovlab yurgani uchun 155 nafar shaxs ozodlikdan mahrum qilish joyiga qaytarilgan.
Eslatib o‘tamiz, Shavkat Mirziyoyev O‘zbekiston mustaqilligining 30 yilligi arafasida 215 nafar mahkumni, Ramazon hayiti munosabati bilan 100 nafar hamda Navro‘z bayrami arafasida 140 nafar mahkumni afv etgan edi.
Mavzuga doir: O‘zbekiston qamoqxonalarida 2000 dan ziyod diniy va siyosiy mahbus bor — AQSh komissiyasi hisoboti
Izoh (0)