2021-yilda Germaniya federativ respublikasida jami 1 016 899 (1 million 16 ming 899 ta) ta o‘lim holati qayd etildi. Bu haqda mamlakat federal statistika idorasi Destatis ma’lum qilgan, deya xabar bergan “Interfaks”.
Bu 1946-yildan beri Germaniyada kuzatilgan eng yuqori ko‘rsatkich, o‘sha yili mamlakatda 1 001 600 ta (1 milion 1 ming 600 ta) o‘lim holatlari kuzatilgan.
1946-yildagi o‘lim Ikkinchi jahon urushidan keyingi inqiroz va aholining og‘ir turmush sharoitlari bilan izohlangan bo‘lsa, 2021-yildagi ko‘rsatkich aholining qarishi va koronavirus pandemiyasining oqibatlari bilan bog‘liq.
Pandemiya butun dunyoda odamlar o‘limi sonini 3 foizga oshirgan. Worldometers statistik ma’lumotlariga ko‘ra, Germaniyada COVID-19 pandemiyasi boshlanganidan buyon 114 887 nafar bemor koronavirus asoratlari oqibatida vafot etgan.
Avval Germaniyada 6 ta atom reaktoridan uchtasi yopilishi, Germaniyada “omikron” shtammidan birinchi o‘lim qayd etilgani, Germaniya “omikron” shtammi tufayli britaniyaliklarning mamlakatga kirishini cheklagani haqida xabarlar berilgan.
Izoh (0)