2021 йилда Германия федератив республикасида жами 1 016 899 (1 миллион 16 минг 899 та) та ўлим ҳолати қайд этилди. Бу ҳақда мамлакат федерал статистика идораси Destatis маълум қилган, дея хабар берган «Интерфакс».
Бу 1946 йилдан бери Германияда кузатилган энг юқори кўрсаткич, ўша йили мамлакатда 1 001 600 та (1 милион 1 минг 600 та) ўлим ҳолатлари кузатилган.
1946 йилдаги ўлим Иккинчи жаҳон урушидан кейинги инқироз ва аҳолининг оғир турмуш шароитлари билан изоҳланган бўлса, 2021 йилдаги кўрсаткич аҳолининг қариши ва коронавирус пандемиясининг оқибатлари билан боғлиқ.
Пандемия бутун дунёда одамлар ўлими сонини 3 фоизга оширган. Worldometers статистик маълумотларига кўра, Германияда COVID-19 пандемияси бошланганидан буён 114 887 нафар бемор коронавирус асоратлари оқибатида вафот этган.
Аввал Германияда 6 та атом реакторидан учтаси ёпилиши, Германияда «омикрон» штаммидан биринчи ўлим қайд этилгани, Германия «омикрон» штамми туфайли британияликларнинг мамлакатга киришини чеклагани ҳақида хабарлар берилган.
Изоҳ (0)