AQShda “Avraam Linkoln” atom aviatashuvchisining (samolyotlar uchish va qo‘nishi uchun moslangan harbiy kema) birinchi ayol komandiri Emi Bauernshmidt o‘z ekipajini dengizga olib chiqdi, deb xabar beradi Military.
Kema zarba berish guruhi bilan birga Bauernshmidt rahbarligi ostida San-Diegodan dunyo okeanining rejalashtirilgan hududiga boradi. Bauernshmidt aviatashuvchi qo‘mondonligini 2021-yilning avgust oyida qabul qilib olgandi.
Ma’lumotlarga ko‘ra, kapitan ushbu kunga 27 yillik mehnati davomida erishgan. Bauernshmidt 1994-yilda AQSh Harbiy dengiz akademiyasini tamomlagan. Uning klassi bitiruvchilari birinchi bo‘lib harbiy kemalar bortida xizmat qilish ruxsatini olgan. 1996-yilda Bauernshmidt palubali aviatsiya uchuvchisi etib tayinlangan. Uning hisobida 3000 soatlik parvoz vaqti mavjud.
Izoh (0)