Avstraliya AQShdan qiymati 2,5 milliard dollar bo‘lgan bronetexnikani sotib olish yuzasidan kelishuv imzoladi. Bu haqda The Sydney Morning Herald xabar qilgan.
Xususan, Avstraliya armiyasi parkini modernizatsiya qilish loyihasi doirasida AQShdan 75 dona M1A2 Abrams tanklari sotib olinadi.
Avstraliya mudofaa vaziri Piter Datton yangi texnika 2007-yilda xarid qilingan M1A1 eskirgan tanklari o‘rnini egallashini bildirgan. Shuningdek, Avstraliya 29 ta M1150 minalashtirish mashinalari, 17 ta tank ko‘prigining joylagichi va 6 dona zirhlangan ta’mirlash-evakuatsiya mashinalarini sotib olgan.
Og‘ir artilleriya texnikalarining dastlabki partiyasini yetkazib berish ishlari 2024-yilda amalga oshiriladi. Avstraliya hukumati yaqin yillar ichida harbiy texnikaga 30 dan 42 milliard dollargacha mablag‘ sarflamoqchi, deya qayd etgan nashr.
Avvalroq Avstraliyaning yaqin kelajakda atom suvosti kemalari uchun 122 milliard dollar sarflashi haqida xabarlar tarqalgandi.
Mavzuga doir:
Izoh (0)