2020-yil oxirida Rossiyaning yadro qurollarini olib yuradigan suvosti kemasi Buyuk Britaniya qirolligi harbiy dengiz flotiga qarashli Nortumberlend gidrolokator fregatining zanjiriga tegib ketgan. To‘qnashuv Atlantika okeanining shimoliy qismida, Shotlandiyadan 200 mil (300 kilometrdan uzoqroq) masofadagi nuqtada sodir bo‘lgan. Bu haqda Britaniyaning The Sun tabloidi ismini oshkor etmagan manbalariga tayanib xabar bergan. Avval mazkur hodisa haqida hech qayerda ma’lumot berilmagan edi.
Yuz bergan hodisa Wrship: Life at Sea teleshousini tayyorlayotgan Channel 5 guruhining videotasviriga tushib qolgan, deyiladi BBC News xabarida. Britaniya fregati qutb aylanmasi nuqtasida radarlar ko‘rsatkichida yo‘qolib qolgan Rossiya suvosti kemasining joylashuvini kuzatgan.
Suvosti kemasini topish uchun Nortumberlend ingichka antenna uzunligidagi gidroakustik stansiyani ishga tushirgan. Kema vertolyoti suv yuzasida gidrolokator hududiga tushib qolgan periskopni payqagan. The Sun manbalari antenna suvosti kemasi korpusiga ilashib qolganidan keyin zarar ko‘rganini ma’lum qilgan. Channel 5 jurnalistlari ekipaj a’zolaridan birining “Jin ursin, bu nima edi o‘zi?” degan jumlasini tasvirga tushirishga ulgurgan.
Britaniya harbiy kemasi to‘qnashuvdan keyin topshiriqni muddatidan avval tugatishga va portga qaytishgan majbur bo‘lgan. Bu yerda qurilmaga yetgan zarar talafotlari bartaraf qilingan. Rossiya suvosti kemasining to‘qnashuvdan qanday zarar ko‘rganligi borasida ma’lumotlar mavjud emas. BBC News’ning Buyuk Britaniya Mudofaa vazirligidagi manbasi to‘qnashuv tasodif tufayli yuzaga kelganini ta’kidlagan. The Sun nashri esa bunday holat Sovuq urush davridan beri ilk bora kuzatilayotgani haqida yozgan.
Buyuk Britaniya Mudofaa vazirligi 2020-yil oxirida Nortumberlend kuzatib tugan Rossiya suvosti kemasining gidroakustik stansiyani suv ostiga tushirayotgan qismi bilan to‘qnashganini tasdiqlagan. “Qirollik floti Buyuk Britaniyaning ishonchli mudofaasini ta’minlash maqsadida doimiy ravishda xorij kemalari va suvosti kemalarini kuzatadi”, — deya qo‘shimcha qilgan vazirlik. Rossiya hukumati mazkur to‘qnashuv borasida rasmiy ma’lumot bermagan.
Mavzuga doir: AQSh suvosti kemasi noma’lum obyekt bilan to‘qnashishi oqibatida bir nechta dengizchi jarohat oldi
Avval Britaniya Harbiy dengiz kuchlari Yaman qirg‘oqlari yaqinida kemaga hujum uyushtirilganini ma’lum qilgani, AQSh harbiy dengiz kuchlari Erondan noqonuniy olib kelinayotgan qurollarni qo‘lga olgani, AQShda dunyodagi eng birinchi yadroviy suvosti kemasi ta’mirlanishi haqida xabarlar berilgan.
Izoh (0)