2020 йилда Россия сувости кемаси Британия фрегати билан тўқнашган. Бундай ҳолат Совуқ уруш давридан бери содир бўлмаганди

2020 йил охирида Россиянинг ядро қуролларини олиб юрадиган сувости кемаси Буюк Британия қироллиги ҳарбий денгиз флотига қарашли Nortumberlend гидролокатор фрегатининг занжирига тегиб кетган. Тўқнашув Атлантика океанининг шимолий қисмида, Шотландиядан 200 мил (300 километрдан узоқроқ) масофадаги нуқтада содир бўлган. Бу ҳақда Британиянинг The Sun таблоиди исмини ошкор этмаган манбаларига таяниб хабар берган. Аввал мазкур ҳодиса ҳақида ҳеч қаерда маълумот берилмаган эди.

Юз берган ҳодиса Wrship: Life аt Sea телешоусини тайёрлаётган Channel 5 гуруҳининг видеотасвирига тушиб қолган, дейилади BBC News хабарида. Британия фрегати қутб айланмаси нуқтасида радарлар кўрсаткичида йўқолиб қолган Россия сувости кемасининг жойлашувини кузатган.

Сувости кемасини топиш учун Nortumberlend ингичка антенна узунлигидаги гидроакустик станцияни ишга туширган. Кема вертолёти сув юзасида гидролокатор ҳудудига тушиб қолган перископни пайқаган. The Sun манбалари антенна сувости кемаси корпусига илашиб қолганидан кейин зарар кўрганини маълум қилган. Channel 5 журналистлари экипаж аъзоларидан бирининг «Жин урсин, бу нима эди ўзи?» деган жумласини тасвирга туширишга улгурган.

Британия ҳарбий кемаси тўқнашувдан кейин топшириқни муддатидан аввал тугатишга ва портга қайтишган мажбур бўлган. Бу ерда қурилмага етган зарар талафотлари бартараф қилинган. Россия сувости кемасининг тўқнашувдан қандай зарар кўрганлиги борасида маълумотлар мавжуд эмас. BBC News’нинг Буюк Британия Мудофаа вазирлигидаги манбаси тўқнашув тасодиф туфайли юзага келганини таъкидлаган. The Sun нашри эса бундай ҳолат Совуқ уруш давридан бери илк бора кузатилаётгани ҳақида ёзган.

Буюк Британия Мудофаа вазирлиги 2020 йил охирида Nortumberlend кузатиб туган Россия сувости кемасининг гидроакустик станцияни сув остига тушираётган қисми билан тўқнашганини тасдиқлаган. «Қироллик флоти Буюк Британиянинг ишончли мудофаасини таъминлаш мақсадида доимий равишда хориж кемалари ва сувости кемаларини кузатади», — дея қўшимча қилган вазирлик. Россия ҳукумати мазкур тўқнашув борасида расмий маълумот бермаган.

Аввал Британия Ҳарбий денгиз кучлари Яман қирғоқлари яқинида кемага ҳужум уюштирилганини маълум қилгани, АҚШ ҳарбий денгиз кучлари Эрондан ноқонуний олиб келинаётган қуролларни қўлга олгани, АҚШда дунёдаги энг биринчи ядровий сувости кемаси таъмирланиши ҳақида хабарлар берилган.