Bugun,

  • USD 11095.31
  • RUB 173.84
  • EUR 10772.44

Liviya va Yaman sobiq prezidentlari Muammar Kaddafi hamda Abdulloh Saloh Iroq sobiq prezidenti Saddam Husaynning himoyasi uchun advokatlar qo‘mitasini moliylashtirishga mablag‘ ajratib kelgan. Bu haqda Husaynning advokati Bushra Xalilga tayanib, “RIA Novosti” xabar berdi.

Foto: AP Photo

Foto: AP Photo

AQSh boshchiligidagi xalqaro koalitsiyaning Iroqqa bostirib kirishi 2003-yilda sodir bo‘lgan. Xalqaro terrorizmga qarshi kurash va ommaviy qirg‘in qurollarini izlash bahonasida prezident Saddam Husayn hokimiyatdan ag‘darilgan va 2006-yilning 30-dekabrda qatl etilgan.

“Qo‘mita xarajatlariga keladigan bo‘lsak, prezident Kaddafi Raged xonimga pul xayriya qilgan, chunki u qo‘mitaning Ammandagi ofisida ishlardi. Prezident Ali Abdulloh Saloh ham pul xayriya qilgan”, — deydi Xalil.

Raged Saddam Husayn o‘ldirilgan Iroq yetakchisining qizi bo‘lib, mamlakatda AQSh harbiy kampaniyasi boshlangach, Iordaniyaga ko‘chib o‘tgan va otasining manfaatlarini sud jarayonida himoya qilgan advokatlar qo‘mitasini muvofiqlashtirgan.

“Ammandan Bag‘dodga parvoz chiptalarini Raged xonim ta’minlardi, qolganlar ham o‘z mamlakatidan uning hisobidan uchib kelar edi, mehmonxonalar qo‘mita budjetidan qoplangan”, — deya qo‘shimcha qiladi advokat.

Iroqning sobiq rahbari qariyb olti oy davomida amerikaliklardan yashirinishga muvaffaq bo‘lgan, biroq 2003-yilning dekabrida u o‘zi tug‘ilgan shahar — Tikrit yaqinida qo‘lga olingan. Maxsus tribunalning birinchi yig‘ilishi 2004-yil iyul oyida bo‘lib o‘tdi. Sud Husaynni aybdor deb topgan va 2006-yilning 5-noyabrida osib o‘ldirishga hukm qilgan.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi