DXX raisidan bosh vazir o‘rinbosarlarigacha. Sport tashkilotlariga ham rahbarlik qilayotgan o‘zbek amaldorlari
Eslatma: Ushbu material birinchi marta 2021-yil 20-avgust kuni chop etilgan va e’tiborga molik materiallardan biri sifatida takroran e’lon qilinmoqda
Prezident Administratsiyasi huzuridagi Axborot va ommaviy kommunikatsiyalar agentligi direktori Asadjon Xo‘jayev 17-avgust kuni O‘zbekiston Kikboksing assosiatsiyasi prezidenti etib saylandi. Xo‘jayev endilikda har ikki tashkilotdagi ishini parallel ravishda davom ettiradi. Qayd etish o‘rinli, bu davlat amaldorlarining sport federatsiyalari rahbarligiga saylangan/tayinlangan ilk holat emas. Ayni damda aksariyat federatsiyalarni hukumat vakillari boshqarmoqda.
“Daryo” sport federatsiyalariga rahbarlik qilayotgan o‘zbek amaldorlarini bir sahifaga jamladi.
Bosh vazirning birinchi o‘rinbosari Ochilboy Ramatov 2012-yildan O‘zbekiston Boks federatsiyasi prezidenti hisoblanadi. Foto: “Daryo” / Madina Nurman
Oliy Majlis Senati raisi Tanzila Norboyeva 2011-yildan O‘zbekiston velosport federatsiyasiga rahbarlik qiladi. Foto: “Daryo” / Madina Nurman
Davlat xavfsizlik xizmati raisi Abdusalom Azizov 2019-yildan O‘zbekiston futbol assosiatsiyasi prezidenti sifatida faoliyat yuritadi. Foto: “Daryo” / Madina Nurman
Mudofaa vaziri Bahodir Qurbonov 2020-yildan MMA assotsiatsiyasiga rahbarlik qiladi. Foto: “Daryo” / Madina Nurman
O‘zbekiston Prezidenti huzuridagi Xavfsizlik kengashi kotibi Viktor Mahmudov 2020-yildan Triatlon federatsiyasiga raislik qiladi. Bungacha Triatlon federatsiyasi va MMA assotsiatsiyasiga Otabek Umarov rahbarlik qilgan. Foto: “Daryo” / Madina Nurman
Qurilish vaziri Botir Zokirov 2012-yildan O‘zbekiston Og‘ir atletika federatsiyasi prezidenti hisoblanadi. Foto: “Daryo” / Madina Nurman
Toshkent shahar hokimi Jahongir Ortiqxo‘jayev 2020-yildan O‘zbekiston Yoga federatsiyasining raisi sifatida ish boshlagan. Foto: “Daryo” / Madina Nurman
AOKA direktori Asadjon Xo‘jayev 2021-yilda O‘zbekiston Kikboksing assosiatsiyasi prezidenti etib saylangan. Foto: “Daryo” / Madina Nurman
Milliy Olimpiya qo‘mitasi raisi Rustam Shoabdurahmonov 2017-yildan O‘zbekiston Qilichbozlik federatsiyasi raisi hisoblanadi. Foto: MOQ matbuot xizmati
Turizm va sport vaziri, bosh vazir o‘rinbosari Aziz Abduhakimov 2021-yildan Shaxmat federatsiyasi raisi sifatida ish yuritadi. Shuningdek, u Badminton federatsiyasiga ham rahbarlik qiladi. Foto: “Daryo” / Madina Nurman
Bosh prokuror Nig‘matilla Yo‘ldoshev 2019-yilda O‘zbekiston Kurash federatsiyasi raisi etib saylangan. Foto: “Daryo” / Madina Nurman
Oliy Majlis Senati raisining birinchi o‘rinbosari Sodiq Safoyev 2017-yildan O‘zbekiston Regbi federatsiyasi prezidenti sifatida ish boshlagan. Foto: “Daryo” / Madina Nurman
Navoiy KMK direktori Quvondiq Sanoqulov 2017-yilda O‘zbekiston Suzish federatsiyasi raisi etib saylangan. Foto: “Daryo” / Madina Nurman
Energetika vaziri Alisher Sultonov 2020-yildan O‘zbekiston Baydarka va kanoeda eshkak eshish federatsiyasi raisi hisoblanadi. Foto: “Daryo”/ Madina Nurman
Adliya vaziri Ruslan Davletov 2018-yildan O‘zbekiston Basketbol federatsiyasi prezidenti hisoblanadi. Foto: “Daryo” / Madina Nurman
Madaniyat vazirining birinchi o‘rinbosari Bahodir Ahmedov 2021-yilda O‘zbekiston chim ustida xokkey federatsiyasi raisi etib saylangan. Foto: “Olamsport”
O‘zbekiston Milliy banki raisi Alisher Mirsoatov 2020-yilda O‘zbekiston Tennis federatsiyasi raisi etib saylangan. Foto: MOQ matbuot xizmati
Innovatsion rivojlanish vaziri o‘rinbosari Oybek Norinboyev 2019-yildan O‘zbekiston O‘q otish sporti federatsiyasi raisi hisoblanadi. Foto: MOQ matbuot xizmati
Qarshi davlat universiteti rektori (sobiq Jismoniy tarbiya va sport vaziri) Dilmurod Nabiyev 2019-yildan Voleybol federatsiyasi prezidenti sifatida faoliyat yuritadi. Foto: MOQ matbuot xizmati
Sport tashkilotlari rahbarlari haqidagi barcha ma’lumotlar Milliy Olimpiya qo‘mitasi saytidan (19.08.2021 holati bo‘yicha) olindi.
Izoh (0)