O‘zTTVRM davlat unitar korxonasi rahbariyati va Samsung Electronics CO., LTD Representative Office in Uzbekistan vakillari o‘rtasida uchrashuv bo‘lib o‘tdi

O‘zTTVRM DUK rahbari U. A. Shakirov va Samsung Electronics CO., LTD korporatsiyasining IM Business manager telekommunikatsiya bo‘limining biznes menejeri Kim Eun Voo o‘rtasida bo‘lib o‘tgan muzokaralar davomida kelgusidagi hamkorlik istiqbollari muhokama qilindi.

Tomonlar samarali hamkorlikni mamnuniyat bilan qayd etishdi.

Yig‘ilish davomida O‘zbekiston Respublikasiga mobil qurilmalarni rasmiy ravishda olib kirish va ularning hisobini yuritish bo‘yicha ma’lumotlar almashinuvini yo‘lga qo‘yish, sertifikatsiz tovarlar yetkazib berishni aniqlash va oldini olish uchun tomonlarning istiqbolli hamkorligini rivojlantirish, mobil qurilmalarni yetkazib berish hajmi bo‘yicha statistik ma’lumotlar almashinuvini yo‘lga qo‘yish lozimligi belgilandi. Shuningdek, yig‘ilish ishtirokchilari Samsung Electronics CO., LTD kompaniyasining rasmiy dilerlik shoxobchalari sonini oshirishga kelishib olishdi.

Tomonlar ikki taraflama va mintaqaviy hamkorlikni yanada rivojlantirish, erishilgan kelishuvlarning amaliy ijrosini ta’minlash tarafdori ekanliklarini ta’kidlab o‘tishdi.

Reklama huquqi asosida.