“Sanoat energetika guruhi” (SEG) MChJ XK Geo Research and Development Company (GRDC) MChJ ustav kapitalidagi 75 foiz ulushga ega bo‘ldi.
GRDC ekspertizasi SEGga neft va gaz qazib olishni yiliga 1,6 million tonnaga yetkazish strategiyasini amalga oshirishga yordam beradi. GRDC ilmiy-texnologik markazi geologiya-qidiruv, uglevodorod xomashyosi va mineral resurslarni ishlash, qazib olish, yig‘ish, tayyorlash va transportirovka qilish tizimlarini loyihalashtirish bo‘yicha yetakchi tashkilot hisoblanadi.
GRDC O‘zbekiston Respublikasida neft va gaz sohasida eng yaxshi ekspertizani amalga oshiradi, servis xizmatlarini ko‘rsatadi, quduqlarda tadqiqot ishlarini, ilmiy va loyiha faoliyati, neft sanoati uskunalarini himoya qilish tadbirlarini amalga oshirmoqda, topogeodezik va geologik tadqiqotlarni o‘tkazadi, quduqlarni qurish va kapital ta’mirlashda supervayzing xizmatlarini ko‘rsatadi.
Hamkorlik davrida “Sanoat energetika guruhi” MChJ XK va GRDC tomonidan konlar bo‘yicha 64 ta axboriy ma’lumotlar bazasi yaratildi, konlarning 46 ta uch o‘lchovli geologik modellari va 24 ta uch o‘lchovli gidrodinamik modellar barpo etildi. Mavjud axborotlarni tahlil qilish va geologik modellarni aniqlashtirish natijalari bo‘yicha quduqlarni barpo etish uchun 247 ta loyiha nuqtalari tavsiya etildi, geologiya-qidiruv ishlari va uglevodorodni sanoat maqsadlarida qazib olishni amalga oshirish uchun litsenziya olish maqsadida SEG konlari bo‘yicha 67 ta UTER va TIA loyihalari, kon ajratish bo‘yicha 103 ta loyiha tuzildi.
“‘Sanoat energetika guruhi’ kompaniyasi tomonidan GRDC ilmiy-texnologik markazi ulushi sotib olinishi tufayli ilmiy g‘oya va ishlab chiqarishni birlashtirish, yagona ma’lumotlar bazasini shakllantirish imkoniyati paydo bo‘ldi, bu esa o‘z navbatida rejalashtirilayotgan ishlar va uglevodorod xomashyosi qazib olish chora-tadbirlari muvaffaqiyatini oshirish, kompaniyalarda mavjud tadqiqot va laboratoriya quvvatlarini muvofiqlashtirish va jamlash imkonini beradi. Shuningdek, tashkilotimiz uchun katta afzallik sifatida ilmiy-tadqiqot, loyiha va dala ishlarining doimiy hajmi bilan tezkor ravishda ta’minlashni qayd etmoqchiman”, — dedi GRDC bosh direktori Nazarov Azizbek Ulug‘bekovich.
“Geo Research and Development Company MChJ 75 foiz ulushining qo‘lga kiritilishi ‘Sanoat energetika guruhi’ MChJ XKga konlarni o‘zlashtirishda yanada salmoqli natijalarga erishish va pirovardida mamlakatimiz iqtisodiy va ijtimoiy sektorlarini sifatli uglevodorod mahsuloti bilan ta’minlash imkonini beradi”, — deya o‘z so‘zini yakunladi “Sanoat energetika guruhi” MChJ XK bosh direktori Fayzullayev Shokir Nasibullayevich.
Geo Research and Development Company (GRDC) kompaniyasi haqida
GRDC kompaniyasi 2019-yilda tashkil etilgan. Uning asosiy faoliyati razvedka loyihalarini tuzish yordamida geologiya-qidiruv ishlarini amalga oshirish, uglevodorod va mineral xomashyo zaxiralarini hisoblash, konlarning uch o‘lchovli geologik-gidrodinamik modellarini barpo etgan holda neft va gaz konlarni samarali ishlashni modernizatsiya qilish, obodonlashtirish tizimlari, jumladan, neft va gazni yig‘ish, tayyorlash va transportirovka qilish tizimlarini loyihalashtirish, amaliy loyihalarni ishlab chiqishda turli quduqlarni qurish jarayonlarini optimallashtirish va tezlashtirish, neft va gaz, tog‘-kon sanoatidagi investitsiya loyihalarini texnik-iqtisodiy asoslash, qatlamning neft va gaz berish hajmini oshirishga qaratilgan tadbirlarni ishlab chiqish, oqimni jadallashtirish va quduqlarni ekspluatatsiya qilishda turli asoratlar bilan kurashish hisoblanadi.
Geo Research and Development Company MChJ Baker Hughes, Halliburton, Weatherford singari yetakchi neft va servis kompaniyalari bilan yaqin aloqalar o‘rnatgan, shuningdek, u tNavigator uch o‘lchovli gidrodinamik modellashtirish sohasidagi noyob dasturiy ta’minot ishlab chiquvchisi hisoblangan Rock Flow Dynamics kompaniyasining doimiy vakili va ishonchli hamkori hisoblanadi.
Reklama huquqi asosida.
Izoh (0)