Bugun, 27-dekabr kuni Lukoil kompaniyasi “Janubi-g‘arbiy Hisor” loyihasi tarkibiga kiruvchi “Jarquduq—Yangi qizilcha” konlarida ilk bor gaz qazib olina boshlanganiga 10 yil to‘ldi.
O‘zbekiston Lukoil OAJ faoliyat yuritadigan asosiy mintaqalardan biri hisoblanadi. Uzoq yillar davomida kompaniya mintaqada o‘z ishtirokini izchillik bilan oshirib bormoqda va bugungi kunda u mamlakatimizdagi eng yirik investorlardan biri hisoblanadi.
O‘zbekiston Respublikasi va Rossiyaning Lukoil OAJ kompaniyasi o‘rtasidagi hamkorlik mahsulot taqsimotiga oid bitimlar asosida rivojlanmoqda. 2007-yili Janubi-g‘arbiy Hisor va Ustyurt mintaqasi hududlaridagi konlarga nisbatan mahsulotni taqsimlash to‘g‘risidagi bitim imzolandi. 2008-yilning mart oyida Lukoil kompaniyasi “Janubi-g‘arbiy Hisor” loyihasiga kirdi va Qashqadaryo viloyatidagi Hisor konlar guruhini o‘zlashtirishni boshladi. Lukoil kompaniyasi 2009-yilda “Janubi-g‘arbiy Hisor”dagi konlarni o‘zlashtirishni boshlagan.
Hisor loyihasini O‘zbekistonning Qashqadaryo viloyatida amalga oshirish ko‘zda tutilgan. Loyiha amalga oshiriladigan hududda 7 ta kon joylashgan.
Shuningdek, loyihani amalga oshirish doirasida 300 kilometr yuqori voltli elektr uzatish liniyalari, ikkita elektr podstansiyasi, 126 kilometr kirish yo‘llari ham qurildi. Loyiha obyektlarida 64 ming kub metr beton quyildi, 12 ming tonnaga yaqin metall konstruksiya va 4 ming tonnadan ortiq asbob-uskunalar montaj qilindi, 286 kilometr liniya quvurlari qurildi.
Loyihani amalga oshirish uchun kiritilgan investitsiya mablag‘lari 1,5 milliard dollardan ortiqni tashkil etadi. Mazkur obyektlar ishga tushirilishi natijasida, “Hisor” konlar guruhida gaz qazib olish loyiha darajasiga yetkazildi, bu qariyb kuniga 14 million kub metr yoki yiliga 5 milliard kub metrni tashkil qiladi. Ayni paytda konlarning ekspluatatsion fondi 40 ta qazib olish quduqlarini tashkil etadi.
Lukoil kompaniyasining Qashqadaryo viloyatidagi faoliyati davomida jami qazib olingan gaz hajmi 26 milliard kub metrdan ortiqni tashkil etdi. Lukoil kompaniyasining Hisordagi obyektlari tufayli respublikada deyarli 2 million tonnadan ortiq kondensat va 0,7 million tonnadan ortiq propan-butan fraksiyasi ishlab chiqarildi.
Reklama huquqi asosida.
Izoh (0)