ERIELL guruhi tomonidan psixofizik rivojlanishi buzilgan bolalarga, ixtisoslashgan bolalar uyi tarbiyalanuvchilari uchun Yangi yil bayrami tashkil etildi.
27-dekabr kuni ERIELL neft va servis kompaniyalar guruhi xodimlari Toshkent viloyati, Qibray tumanida joylashgan Psixofizik rivojlanishi buzilgan bolalar uchun ixtisoslashgan bolalar uyining jajji tarbiyalanuvchilari holidan xabar oldi.
Mazkur muassasada deyarli tug‘ilganidan boshlab, 50 nafardan ziyod bolalar yashab kelmoqda. Tarbiyalanuvchilarning aksariyati turli hayotiy vaziyatlar sabab ota-ona qaramog‘idan mahrum bo‘lgan. Bu yerdagi har bir bola, yoshidan qat’i nazar alohida parvarish, mehr va e’tiborga muhtoj. Eng asosiysi, bolajonlarga doimiy tibbiy nazorat zarur.
Yaqinlashib kelayotgan Yangi yil bayrami arafasida kompaniyalar guruhi bolajonlar uchun kutilmagan sovg‘a tayyorladi: ular uchun Yangi yil qahramonlari va, albatta, bolajonlar mehrini qozongan shercha Leo haqidagi ertak qahramonlari ishtirokida bayram tomoshasi tashkil etildi.
Bolajonlar mehmonlarni quvonch va hayrat bilan qarshi oldi, tanlovlarda ishtirok etishdi, raqsga tushib, vaqtichog‘lik qilishdi. Tarbiyalanuvchilarning yuzi samimiy kulgi va quvonchdan porlar edi. Sog‘lig‘idagi barcha muammolarga qaramay, bolajonlar barcha yig‘ilganlarga pozitiv kayfiyat va yoqimli his-tuyg‘ular ulashgan holda, mo‘jizaga ishonishda davom etmoqda.
Bayram qismi yakunida ERIELL xodimlari ixtisoslashgan bolalar uyining barcha tarbiyalanuvchilarini bayram bilan qutlab, ularga kompaniya nomidan Yangi yil sovg‘alarini ulashishdi.
ERIELL group xoh u narxi qimmat bo‘lgan davo muolajalari zarurati, xoh ularni ixtisoslashgan muassasalarda saqlash sharoitlarini yaxshilash bo‘lsin, bolajonlarning ehtiyojlariga alohida e’tibor bilan yondashib kelmoqda. O‘zbekiston Respublikasining “Volontyorlik faoliyati to‘g‘risida”gi qonunining 4-moddasi va xayriya to‘g‘risidagi qonunga muvofiq, joriy yilning yoz oyida kompaniya tomonidan bolalar uyi kapital ta’mirlangan edi. ERIELL guruhi sa’y-harakatlari bilan bolajonlar uchun mo‘ljallangan ikki qavatli yotoqxona korpusi to‘liq ta’mirlandi, o‘yin xonalari va xizmat binolari, sanuzellar yangilandi, mebel, konditsionerlar, oshxona jihozlari va zamonaviy maishiy texnika o‘rnatildi.
“Barcha jamoamiz va tarbiyalanuvchilar nomidan ERIELL’ga hayotimizda faol ishtirok etayotgani, bizlarga quvonch, yoqimli his-tuyg‘ular ulashayotgani va qulaylik yaratib berayotgani uchun minnatdorlik izhor qilmoqchiman. Zero, bolalarning begonasi bo‘lmaydi, deb aytilishi bejiz emas. Bizlar uchun ham muassasamizning har bir tarbiyalanuvchisi o‘z farzandimizdek aziz. Bolajonlarimiz yolg‘iz emasliklarini tushunishi esa bundanda yoqimliroq, ularning taqdiri va salomatligiga befarq bo‘lmagan, ularga yordam berish va kutilmagan yoqimli sovg‘alar bilan xushnud etishga tayyor insonlar bor”, — dedi Qibray tumanidagi ixtisoslashgan bolalar uyi direktori Gulnora Maxmadjanovna Tuxtanazarova.
ERIELL guruhi bir necha yildirki APLA jamoat birlashmasi, Toshkent viloyati ixtisoslashgan bolalar uyi, “Mehribonlik” ijtimoiy ko‘mak berish jamiyati, Respublika ixtisoslashgan gematologiya ilmiy-amaliy tibbiyot markazi va boshqa ijtimoiy muassasalarga homiylik qilib kelmoqda va “Ezgulik ulash” loyihasi doirasida bundan keyin ham ularni qo‘llab-quvvatlashda faol ishtirok etib, muhtojlarga yordam qo‘lini cho‘zishda davom etadi.
Reklama huquqi asosida.