Andijon viloyati hokimi Shuhrat Abdurahmonovning farmoyishi bilan hokim yordamchilarining uniformasi uchun 855 million so‘m ajratildi.
Andijon viloyati hokimi 24-dekabr kuni imzolagan farmoyishga binoan, viloyat mahalliy budjeti daromadlar rejasining 2021-yil 3-chorak yakuni bo‘yicha orttirib bajarilgan qismi hisobidan — viloyat mahalla va oilani qo‘llab-quvvatlash boshqarmasiga hokim yoradamchilari formasi uchun 855 million ajratilgan.
Shuningdek, farmoyish bilan viloyat hokimligi ishlar boshqarmasiga viloyat hokimligi moddiy texnika bazasini mustahkamlash uchun 130 million so‘m ajratilishi belgilangan.
Avvalroq 2022-yilning 1-yanvaridan respublikaning 9 ming 259 ta mahallasida hokim yordamchilari ish boshlashi ma’lum qilingandi. Farmonga muvofiq, hokim yordamchilarining oylik ish haqi miqdori ular biriktirilgan mahalladagi xonadonlar soniga mutanosib ravishda belgilanadi.
Izoh (0)