Intellektual mulk agentligi kontrafakt mahsulotlar to‘planmasini (katalog)ni e’lon qildi.
To‘planma agentlikning Telegram kanaliga ikki qismga bo‘lingan holda joylashtirilgan. Ularning birinchisida kontrafakt dori vositalari ko‘rsatilgan bo‘lsa, ikkinchisida asosan qandolat mahsulotlari va maishiy kimyo tovarlarini uchratish mumkin.
Spot’ning yozishicha, kontrafakt tovarlar ko‘pincha nomi bilan farqlanadi — odatda originaliga o‘xshash nom tanlanadi, biroq undan biroz farq qiladi.
Dori vositalari to‘planmasida 65 juft haqiqiy va soxta dorilar nomi keltirilgan, ikkinchisida — 148 juft. Agentlik bu yakuniy ro‘yxat emasligini ta’kidlab, original mahsulotlarini xarid qilishni maslahat bergan.
Qandolat mahsulotlari va maishiy kimyo tovarlari
Dori vositalari
Avvalroq O‘zbekistonda Aybon Gold shokoladini ishlab chiqarish to‘xtatilgani, Zangiotada qalbaki Persil, Ariel, “Mif”, Tide kir yuvish kukunlari ishlab chiqarilayotgan sex fosh etilgani to‘g‘risida xabar berilgandi.
Izoh (0)