Андижон вилояти ҳокими Шуҳрат Абдураҳмоновнинг фармойиши билан ҳоким ёрдамчиларининг униформаси учун 855 миллион сўм ажратилди.
Андижон вилояти ҳокими 24 декабрь куни имзолаган фармойишга биноан, вилоят маҳаллий бюджети даромадлар режасининг 2021 йил 3-чорак якуни бўйича орттириб бажарилган қисми ҳисобидан — вилоят маҳалла ва оилани қўллаб-қувватлаш бошқармасига ҳоким ёрадамчилари формаси учун 855 миллион ажратилган.
Шунингдек, фармойиш билан вилоят ҳокимлиги ишлар бошқармасига вилоят ҳокимлиги моддий техника базасини мустаҳкамлаш учун 130 миллион сўм ажратилиши белгиланган.
Аввалроқ 2022 йилнинг 1 январидан республиканинг 9 минг 259 та маҳалласида ҳоким ёрдамчилари иш бошлаши маълум қилинганди. Фармонга мувофиқ, ҳоким ёрдамчиларининг ойлик иш ҳақи миқдори улар бириктирилган маҳалладаги хонадонлар сонига мутаносиб равишда белгиланади.
Изоҳ (0)