Xalq deputatlari Uchqo‘rg‘on tuman kengashining navbatdan tashqari sessiyasi bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.

Sessiyada tashkiliy masala ko‘rildi.

Viloyat hokimi Shavkat Abdurazzoqov deputatlarga faoliyatida yo‘l qo‘ygan kamchiliklari uchun tuman hokimi lavozimidan ozod etilgan Azimjon Vahobov o‘rniga Jahongir Rizzayev nomzodini taklif etdi.

Jahongir Rizzayev 1986-yili Chortoq tumanida tug‘ilgan. Ma’lumoti oliy, 2008-yili Namangan muhandislik-pedagogika institutini tamomlagan.

U 2018-yildan beri “Namangan hududiy elektr tarmoqlari korxonasi” aksionerlik jamiyati bosh direktori lavozimida ishlab kelayotgan edi.

Deputatlar nomzodni ma’qullab, ovoz berdi. Jahongir Rizzayev Uchqo‘rg‘on tumani hokimi etib tasdiqlandi.