Sherzod Qudratov Oqdaryo tumani hokimi etib tayinlandi. Bu haqda Samarqand viloyati hokimligi matbuot xizmati xabar berdi.
Ma’lum qilinishicha, 22-dekabr kuni Oqdaryo tumanida xalq deputatlari tuman kengashining navbatdan tashqari sessiyasi o‘tkazilgan va unda tashkiliy masala ko‘rilgan.
Oqdaryo tumani hokimi vazifasida faoliyat olib borgan Najmiddin Sulaymonov boshqa ishga o‘tishi munosabati bilan o‘z arizasiga asosan egallab turgan vazifasidan ozod etilgan.
Sessiyada deputatlar tomonidan Sherzod Qudratovning nomzodi Oqdaryo tumani hokimi lavozimiga tasdiqlangan.
Tayinlovga qadar Sherzod Qudratov Savdo-sanoat palatasi Samarqand viloyati hududiy boshqarmasi boshlig‘i lavozimida faoliyat olib borgan.
Avvalroq Norin tumani hokimi Kosonsoy tumaniga hokim bo‘lgani, Samarqand viloyati prokurori o‘rinbosari Bulung‘ur tumani hokimi etib tayinlangani to‘g‘risida xabar berilgandi.
Izoh (0)