Toshkent shahrida 2021-yil 20–21-dekabr kunlari “Toshkent yoshlar forumi — 2021” tadbiri bo‘lib o‘tdi. Mazkur tadbirlar davomida yoshlar mamlakatning taniqli blogerlari bilan suhbatlar, vazirlar bilan muloqotlar, shuningdek, IIBB va Milliy gvardiya xodimlari bilan ochiq muloqot, gender tenglik bilan bog‘liq masalalar muhokamasi o‘tkazildi.
Seshanba, 21-dekabr kuni “Toshkent yoshlar forumi — 2021”ning tantanali yopilish marosimi o‘tkazildi. Ushbu tadbirning eng asosiy voqealari “Daryo” fotoreportajida.
Tantanali yopilish marosimida poytaxt hokimligi tomonidan 2022-yilda yoshlar siyosatiga oid amalga oshiriladigan ishlar bo‘yicha taqdimot ko‘rsatildi. Bundan tashqari yosh harbiylar va yoshlar ishtirokida sahna ko‘rinishi namoyish etildi.
Keyin esa sahnaga prezidentning yoshlar, fan, ta‘lim, sog‘liqni saqlash, madaniyat va sport masalalari bo‘yicha maslahatchisi Abdujabbor Abduvohitov, Yoshlar ishlari agentligi direktori Alisher Sa‘dullayev hamda Toshkent shahar hokimi Jahongir Ortiqxo‘jayev taklif etildi. Ular yoshlarni mazkur forumda ishtiroklari bilan tabriklashdi.
Mavzuga doir: “Zavod, fabrika qurib, so‘z san’atidan uzoqroq bo‘libman. Hokim bo‘lish xayolimga ham kelmagan edi” – Jahongir Ortiqxo‘jayev
- “Yilning eng yaxshi yosh ixtirochisi” — Abbos Nasimov;
- “Yilning eng yaxshi yosh iqtisodchisi” — Abbosxon Jalolov;
- “Yilning eng harakatchan yosh talabasi” — Dilnoza Miraxmedova;
- “Yilning eng yaxshi yosh o‘qituvchisi” — Nazokat Hasanova bo‘ldi.
Dastlabki taqdirlash marosimidan so‘ng sahnaga quruvchi kiyimidagi yoshlar chiqdi va raqs namoyish etdi. Marosim boshlovchisining so‘zlariga ko‘ra, “kelajakni yoshlar quradi”.
Shundan so‘ng navbatdagi taqdirlash marosimi bo‘ldi. Unda “Yil davomida samarali ishlagan yosh olim” – Jasurbek Habibullayev, “Yilning ilg‘or yosh IT-mutaxassisi” – Feruzbek G‘ulomov, “Yoshlar o‘rtasida yilning eng yaxshi dizaynerlik loyihasi muallifi” – Fazliddin Anvarov bo‘ldi.
Bundan keyin esa shifokorlar va Favqulodda vaziyatlar vazirligi xodimlarining kiyimlarini kiyib olgan yoshlar sahna ko‘rinishi namoyish etdi.
Yana bir bo‘lib o‘tgan taqdirlash marosimida “Yilning eng malakali yosh shifokori” – Nargiza Eshmetova, “Ekologiya bo‘yicha yilning yosh faoli” – Rasul Axunjanov, “Yilning eng yaxshi yosh blogeri” – Mirali G‘iyosov, “Yilning eng xalqparvar yosh deputati” – Iftihor Ziyoyev hamda “Yil davomida dolzarb mavzularni yoritgan yosh jurnalist” – Amirxon Umarov taqdirlandi.
Shundan so‘ng yana bir sahna ko‘rinishi namoyish etildi va unda kulolchilik namunalari, qo‘l mehnati bilan tayyorlanadigan buyumlar taqdim etildi.
Sahnaga, shuningdek, Qozog‘istonning Nur-Sulton shahridan tashrif buyurgan mehmon Moldir Bakitjan qizi taklif qilindi va uning ijrosida qo‘shiq yangradi.
- “Yilning eng yaxshi yosh kurashchisi” – Asliddin G‘afforov;
- “Yilning eng ko‘p g‘alabaga erishgan yosh bokschisi” – Dilorom Najimova;
- “Yilning eng mohir yosh gimnastikachisi” – Madinaxon Rixsiboyeva;
- “Yilning eng yaxshi yosh futbolchisi” – Abdurashid Abdullayev deb e’lon qilindi.
Bundan keyin navbat afsonaviy “Setora” guruhiga yetib keldi. Ular ijrosida “Ajdodlar” qo‘shig‘i yangradi.
- “Yilning eng matonatli yosh ichki ishlar xodimi” – Dilmurod Vaxobjonov;
- “Yilning eng jasur yosh milliy gvardiya xodimi” – Orzumurod Norbo‘tayev;
- “Yilning eng yaxshi yosh mudofaa armiyasi xizmatchisi” – Sardor Olimov;
- “Yilning eng jasur yosh favqulodda vaziyatlar xodimi” – Shohruh Saurov;
- “Yilning eng yaxshi hokimi” — Yakkasaroy tuman hokimi Anvar Sayfutdinov;
- “Yilning eng yaxshi hokimi” – Mirobod tumani hokimi Shuhrat Po‘latov;
- “Yilning eng yaxshi prokuratura xodimi” – Shuhrat Xolmatov;
- “Yilning eng yaxshi ichki ishlar xodimi” – Yangihayot tumani ichki ishlar bo‘limi boshlig‘i – Murod Raimov;
- “Yilning eng yaxshi soliq inspeksiyasi xodimi” – Elyor G‘ulomov;
- “Yilning eng yaxshi davlat xavfsizlik xizmati xodimi” – Jahongir Abduqayumov.
Shunday qilib “Toshkent yoshlar forumi – 2021” tadbirlari yakunlandi.
Og‘abek Samisov va Dilruh Isomiddinova tayyorladi.
Izoh (0)