Farg‘ona shahrida Lacetti xizmat mashinasida qoida buzgan YPX xodimiga chora ko‘rildi, deb xabar bermoqda “Daryo” muxbiri.
Ma’lum qilinishicha, ijtimoiy tarmoqlarda viloyat IIB YHXBga tegishli davlat raqami 40 222 VSF bo‘lgan Lacetti maxsus xizmat avtomashinasi yo‘l harakati qoidalarini buzgani aks etgan fotosurat tarqatilgan.
Ushbu holat Farg‘ona viloyati IIB YHXB tomonidan o‘rganilganda davlat raqami 40 222 VSF bo‘lgan Lacetti maxsus xizmat avtomashinasi haydovchisi Qo‘qon shahar A. Mamayusupov ko‘chasida yo‘l harakati qoidalarining 91-bandiga amal qilmasdan, piyodalar o‘tish joyiga belgilangan masofadan kam masofada to‘xtagani aniqlangan.
Joriy yilning 19-dekabr kuni mazkur maxsus xizmat avtomobili biriktirilgan YPX inspektoriga nisbatan to‘xtash qoidalarini buzgani bo‘yicha Ma’muriy javobgarlik to‘g‘risidagi kodeksning 128-6-modda (transport vositalari haydovchilarining to‘xtash yoki to‘xtab turish qoidalarini buzishi)si 1-qismi tartibida bayonnoma rasmiylashtirilgan bo‘lib, u 540 ming so‘m miqdorida jarimaga tortilgan.
Bundan avval ham Farg‘onda to‘xtash qoidalariga amal qilmagan yana bir Lacetti maxsus xizmat avtomashinasi haydovchisi jarimaga tortilgandi. Nukusda esa alkotester o‘rniga bosh kiyimidan foydalangan YPX xodimiga qattiq hayfsan berildi.
Mavzuga doir:
- “Pulingni beraman, ‘bez ochered’ yuvasan”. Qoraqalpog‘istonda YPX xodimi va avtomobil yuvish shoxobchasi ishchisi o‘rtasida tortishuv aks etgan video tarqaldi
- Toshkent viloyati YHXBga tegishli Malibu-2 ning 11 ta to‘lanmagan jarimasi borligi haqidagi xabarlarga izoh berildi
- IIV Tracker’ining qariyb 150 mln so‘mlik qarzi borligi va u YHXBB boshlig‘i Olim Saidovga tegishli ekanligi yuzasidan raddiya berildi
- “Kamerangni sindirib, qo‘lingga ming dollar beraman, yangisini olasan”. Malibu haydovchisi chaqirgan soxta xodim YPX inspektorlarini haqorat qildi (video)
Izoh (0)