Ҳокимликни хаёл қилмаган Ортиқхўжаев, афсонавий «Сетора»нинг саҳнага чиқиши, йилнинг энг яхши ҳокимлари — «Тошкент ёшлар форуми — 2021»нинг ёпилиш маросимидан фоторепортаж

Тошкент шаҳрида 2021 йил 20–21 декабрь кунлари «Тошкент ёшлар форуми — 2021» тадбири бўлиб ўтди. Мазкур тадбирлар давомида ёшлар мамлакатнинг таниқли блогерлари билан суҳбатлар, вазирлар билан мулоқотлар, шунингдек, ИИББ ва Миллий гвардия ходимлари билан очиқ мулоқот, гендер тенглик билан боғлиқ масалалар муҳокамаси ўтказилди.

Сешанба, 21 декабрь куни «Тошкент ёшлар форуми — 2021»нинг тантанали ёпилиш маросими ўтказилди. Ушбу тадбирнинг энг асосий воқеалари «Дарё» фоторепортажида.

Тантанали ёпилиш маросимида пойтахт ҳокимлиги томонидан 2022 йилда ёшлар сиёсатига оид амалга ошириладиган ишлар бўйича тақдимот кўрсатилди. Бундан ташқари ёш ҳарбийлар ва ёшлар иштирокида саҳна кўриниши намойиш этилди.

Кейин эса саҳнага президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси Абдужаббор Абдувоҳитов, Ёшлар ишлари агентлиги директори Алишер Саъдуллаев ҳамда Тошкент шаҳар ҳокими Жаҳонгир Ортиқхўжаев таклиф этилди. Улар ёшларни мазкур форумда иштироклари билан табриклашди.

• «Йилнинг энг яхши ёш ихтирочиси» — Аббос Насимов;
• «Йилнинг энг яхши ёш иқтисодчиси» — Аббосхон Жалолов;
• «Йилнинг энг ҳаракатчан ёш талабаси» — Дилноза Мирахмедова;
• «Йилнинг энг яхши ёш ўқитувчиси» — Назокат Ҳасанова бўлди.

Дастлабки тақдирлаш маросимидан сўнг саҳнага қурувчи кийимидаги ёшлар чиқди ва рақс намойиш этди. Маросим бошловчисининг сўзларига кўра, «келажакни ёшлар қуради».

Шундан сўнг навбатдаги тақдирлаш маросими бўлди. Унда «Йил давомида самарали ишлаган ёш олим» – Жасурбек Ҳабибуллаев, «Йилнинг илғор ёш IT-мутахассиси» – Ферузбек Ғуломов, «Ёшлар ўртасида йилнинг энг яхши дизайнерлик лойиҳаси муаллифи» – Фазлиддин Анваров бўлди.

Бундан кейин эса шифокорлар ва Фавқулодда вазиятлар вазирлиги ходимларининг кийимларини кийиб олган ёшлар саҳна кўриниши намойиш этди.

Яна бир бўлиб ўтган тақдирлаш маросимида «Йилнинг энг малакали ёш шифокори» – Наргиза Эшметова, «Экология бўйича йилнинг ёш фаоли» – Расул Ахунжанов, «Йилнинг энг яхши ёш блогери» – Мирали Ғиёсов, «Йилнинг энг халқпарвар ёш депутати» – Ифтиҳор Зиёев ҳамда «Йил давомида долзарб мавзуларни ёритган ёш журналист» – Амирхон Умаров тақдирланди.

Шундан сўнг яна бир саҳна кўриниши намойиш этилди ва унда кулолчилик намуналари, қўл меҳнати билан тайёрланадиган буюмлар тақдим этилди.

Саҳнага, шунингдек, Қозоғистоннинг Нур-Султон шаҳридан ташриф буюрган меҳмон Молдир Бакитжан қизи таклиф қилинди ва унинг ижросида қўшиқ янгради.

• «Йилнинг энг яхши ёш курашчиси» – Аслиддин Ғаффоров;
• «Йилнинг энг кўп ғалабага эришган ёш боксчиси» – Дилором Нажимова;
• «Йилнинг энг моҳир ёш гимнастикачиси» – Мадинахон Рихсибоева;
• «Йилнинг энг яхши ёш футболчиси» – Абдурашид Абдуллаев деб эълон қилинди.

Бундан кейин навбат афсонавий «Сетора» гуруҳига етиб келди. Улар ижросида «Аждодлар» қўшиғи янгради.

• «Йилнинг энг матонатли ёш ички ишлар ходими» – Дилмурод Вахобжонов;
• «Йилнинг энг жасур ёш миллий гвардия ходими» – Орзумурод Норбўтаев;
• «Йилнинг энг яхши ёш мудофаа армияси хизматчиси» – Сардор Олимов;
• «Йилнинг энг жасур ёш фавқулодда вазиятлар ходими» – Шоҳруҳ Сауров;

• «Йилнинг энг яхши ҳокими» — Яккасарой туман ҳокими Анвар Сайфутдинов;
• «Йилнинг энг яхши ҳокими» – Миробод тумани ҳокими Шуҳрат Пўлатов;
• «Йилнинг энг яхши прокуратура ходими» – Шуҳрат Холматов;
• «Йилнинг энг яхши ички ишлар ходими» – Янгиҳаёт тумани ички ишлар бўлими бошлиғи – Мурод Раимов;
• «Йилнинг энг яхши солиқ инспекцияси ходими» – Элёр Ғуломов;
• «Йилнинг энг яхши давлат хавфсизлик хизмати ходими» – Жаҳонгир Абдуқаюмов.

Шундай қилиб «Тошкент ёшлар форуми – 2021» тадбирлари якунланди.

Оғабек Самисов ва Дилруҳ Исомиддинова тайёрлади.