O‘zbekistonda noyabr eng ko‘p benzin ishlab chiqarilgan oylardan biri bo‘ldi

O‘zbekistonda 2021-yilning yanvar—noyabr oylarida 1 million tonnadan ortiq benzin ishlab chiqarilgan. Bu haqda Davlat statistika qo‘mitasi xabar qildi.

Avval xabar qilinganidek, O‘zbekistonda yanvar—oktabr oylarida 902,7 ming tonna benzin ishlab chiqarilgandi. Bundan kelib chiqadiki, noyabr oyida kamida 97,3 ming tonna benzin ishlab chiqarilgan. Bu orqali noyabr oyi 2021-yilda eng ko‘p benzin ishlab chiqarilgan oylardan biri bo‘lgan.

Eslatib o‘tamiz, 2021-yilda eng ko‘p avtomobil benzini mart oyida ishlab chiqarilgan — 106 ming tonna. Eng kam benzin esa aprel oyi hissasiga to‘g‘ri keladi — 77,3 ming tonna.

Bundan tashqari, Davlat statistika qo‘mitasi ayrim turdagi sanoat mahsulotlari ishlab chiqarish hajmini ham ma’lum qilgan:

• ko‘mir — 4 million 639 ming tonna;
• neft — 708,3 ming tonna;
• gaz kondensati — 1 million 200 ming tonna;
• yengil avtomobil — 199 ming 526 dona;
• avtobus — 847 dona;
• yuk avtomobillari — 3 ming 632 dona;
• traktor — 213 dona;
• avtomobil dvigatellari — 135 ming dona.