Qashqadaryo viloyatida faoliyat yurituvchi jurnalist va blogerlarning eng faollari saralab olinib, ularning xorijda malaka oshirishi yo‘lga qo‘yiladi. Bu haqda viloyat hokimi Murodjon Azimov 2021-yilgi ijtimoiy-iqtisodiy rivojlanish yakunlari hamda 2022-yil uchun belgilangan vazifalar yuzasidan aholiga qilgan murojaatnomasida aytib o‘tdi, deya xabar berdi “Daryo” muxbiri.
Qayd etilishicha, Xalq deputatlari viloyat Kengashining navbatdagi sessiyasida aholiga murojaat yo‘llagan viloyat hokimi hududda jamoatchilik nazoratini kuchaytirish borasida ham so‘z yuritib, jurnalist va blogerlarni hamkorlikka chorlagan.
“Biz har qanday tanqidiy chiqishga darhol munosabat bildirishimiz va kamchilikni o‘z vaqtida bartaraf etishimiz lozim bo‘ladi. Viloyatda jamoatchilik nazoratini kuchaytirib, jurnalist va blogerlarimizni hamkorlikka chorlashimiz kerak. Eng faol jurnalist va blogerlarni, shuningdek, eng faol matbuot kotiblarini saralab olib, ularning xorijda malaka oshirishi uchun imkoniyat qilib beramiz”, — degan Murodjon Azimov.
Eslatib o‘tamiz, avvalroq Qashqadaryoda jurnalist va blogerlar uchun ko‘p qavatli uylar qurilishi mumkinligi xabar qilingandi.
Mavzuga doir:
- Jurnalist va blogerlar bundan buyon ham qonun va Prezident himoyasida bo‘ladi — Shavkat Mirziyoyev
- “Sudga chaqirilgan jurnalist chaqirgan tomon manfaatini himoya qiladi-da”. Qashqadaryo viloyat sudi raisi viloyatdagi sud jarayonlarida OAV vakillari faoliyatiga to‘siq qo‘yilishini izohladi
- Yakkabog‘lik bloger tuman hokimining ishdan bo‘shash uchun ariza yozganini, arizaga blogerlar unga bosim qilayotgani asos bo‘lganini yozdi. Hokimlik esa buni rad etdi
Izoh (0)