20 million dollarlik ishlab chiqarish liniyalari yiliga 10 ming tonnadan ortiq mahsulot ishlab chiqarish imkonini beradi.
2021-yil 17-dekabr kuni poytaxtning Sergeli tumanida Rossiya va MDH mamlakatlaridagi eng yirik egiluvchan ko‘pikli poliuretan ishlab chiqaruvchi FoamLine zavodini ishga tushdi. Korxonaning ishlab chiqarish quvvati yiliga 10 ming tonnadan oshadi.
Voqeani sharhlar ekan, FoamLine kompaniyasining prezidenti Artur Sogomonyan shunday dedi:
“Zamonaviy texnologiyalar va loyihalarni yuqori darajada avtomatlashtirish maksimal mehnat unumdorligiga erishish imkonini beradi. Loyiha O‘zbekistondagi va qo‘shni davlatlardagi raqobatchilardan sezilarli darajada oshib ketadi, zavodning o‘zi esa Markaziy Osiyodagi eng yirik zavodga aylanadi. Bu nafaqat asosiy xarajatlarni optimallashtirish, balki shunga mos ravishda iste’molchiga arzonroq narxni taklif etish imkonini yaratadi”.
Zavodni yaratishga 20 million dollardan ortiq sarmoya kiritilgan. Bunday yirik investitsiyalar, jumladan, Germaniya, Italiya, Ispaniya, Angliya, Xitoy va Belorussiyada innovatsion uskunalarni xarid qilish bilan bog‘liq.
Ko‘pikli poliuretan ishlab chiqarish zavodi ochilgandan so‘ng FoamLine kompaniyasi loyihani amalga oshirishni davom ettiradi — keyingi bosqichda prujinali bloklar ishlab chiqarishni yo‘lga qo‘yish, keyin esa o‘sha maydonda matraslar ishlab chiqarish bo‘ladi.
Investitsiya loyihasi doirasida yuzdan ortiq yangi ish o‘rinlari yaratildi — korxona ishga tushishi bilan turdosh tarmoqlarda yana 1000 dan ortiq ish o‘rinlari yaratilishi hisobga olinmagan holda.
FoamLine mahsulotlari yengil va mebel sanoati, qishloq xo‘jaligi va avtomobilsozlik sanoatida keng qo‘llaniladi.
Reklama huquqi asosida.
Izoh (0)