Barchaga ma’lumki, hozirgi vaqtda Renault avtomobillari O‘zbekistonda ham sotilmoqda. Hozircha bozorda uchta modelni xarid qilishingiz mumkin — Renault Arkana, Renault Duster va Renault Kaptur. “Daryo” internet-nashri muxbiri ularning har birini sinovdan o‘tkazdi, shuningdek, ushbu yuqori texnologiyali avtomobillarning afzalliklari va xususiyatlari bilan tanishdi.
Renault Arkana — zamonaviy va texnologiklik
Avvalo, bu o‘zining uslubi va go‘zalligi bilan o‘ziga jalb etadigan avtomobil. Ushbu model orqa gabaritlarning chizig‘i tufayli oqimda boshqa avtomobillardan ajralib turadi. Renault Arkana funksional, ergonomik interyerga ega bo‘lib, undagi hamma narsa haydovchi va yo‘lovchining ehtiyojlarini inobatga olgan o‘rnatilgan. Markaziy konsol haydovchi tomon burilgan, klimatik blok, katta sensorli ekran, qulay o‘rindiqlar bilan jihozlangan.
“Arkana haqiqatan ham juda zamonaviy va chiroyli interyerni taklif etadi. Ba’zi versiyalarda atmosfera yoritgichlari ham o‘rnatilgan, siz sakkizta rangdan birini tanlashingiz mumkin. Avtomobilga 8 ta dinamik va raqamli ovoz protsessori bilan jihozlangan Bose audiotizimi o‘rnatilgan. Mashina saloni kengligi bilan ajralib turadi. Orqa o‘rindiqni yig‘ish orqali 500 litr sig‘imga ega yukxonani 1,3 kubometrgacha kengaytirish mumkin. Yana bir qulay uskuna — 360 darajali kamera tizimi avtomobilni qulay boshqarish imkonini beradi. Faqat Arkana modeliga o‘rnatilgan yana bir tizim — ko‘rinmas joylarni nazorat qilish tizimi haqida alohida to‘xtalib o‘tish lozim. Tizim bir qator afzallik va qulayliklarga ega, u xavfsizlik darajasini oshiradi, ayniqsa avtomobil yo‘llarida yuqori tezlikda harakatlanayotganda. Bundan tashqari, u ko‘rish sharoiti yomonlashganda haydovchiga ko‘maklashadi”, — dedi Renault kompaniyasining mahsulotlar bo‘yicha mutaxassisi Anatoliy Kalitsev.
Arkana uchun yana bir noyob tizim — MultiSense maxsus sozlanmalari. Tanlash uchun uchta haydash rejimi mavjud: Eco, Sport va My Sense. Eco rejimida yoqilg‘i tejamkorligiga e’tibor qaratiladi, ya’ni barcha tizimlar, jumladan, iqlim tizimi, gaz pedali va transmissiya maxsus rejimda ishlaydi. Mutaxassisning so‘zlariga ko‘ra, siz rulni ham o‘zingizga mos ravishda sozlashingiz mumkin.
Sport rejimi Eco rejimiga umuman o‘xshamaydi. Uning vazifasi maksimal dinamikani ta’minlashdan iborat. Dvigatel sezgirroq bo‘ladi, aylanish tezlashadi, shuningdek, uzatmalar qutisi yaxshiroq ishlaydi.
“My Sense rejimi haqida gapiradigan bo‘lsak, u rejimlarning barchasini sozlash imkonini beradi. Siz kerakli elementlarning konfiguratsiyasini to‘plashingiz, yoritish rangini tanlashingiz, rul tizimini o‘zingizga moslashingiz mumkin. Ushbu rejim avtomobilda boshidanoq qo‘llaniladi”, — deb tushuntirdi Anatoliy Kalitsev.
Arkana yo‘ltanlamas avtomobil emas. Shunga qaramay, ushbu avtomobilning off-road salohiyati katta. Misol uchun, uning yerdan balandligi 205 millimetrni tashkil etadi. Shuning uchun u qo‘shimcha himoyaga muhtoj emas. Kirish va chiqish burchaklari mos ravishda 21 va 26 daraja. Rossiyada ushbu avromobil M1G toifasiga kiritilgan.
“Ushbu toifaga faqatgina UAZ va NIVA avtomobillari kirtilgan. Endilikda Arkana modelini ham M1G toifasiga oid deb atashimiz mumkin. Shunday qilib, avtomobil geometriyasi va to‘liq privodli tizimini inobatga olgan holda, Renault Arkana modelini yo‘ltanlamas avtomobillar qatoriga kiritishimiz mumkin”, — deya o‘z fikrini davom ettirdi ekspert.
Bundan tashqari, Rossiyaning “Avtorevyu” gazetasi tomonidan tuzilgan ARCAP avtomobil xavfsizligi mustaqil reytingida Arkana 4 yulduzni qo‘lga kiritdi va barcha coupe krossoverlar orasida eng yuqori natijani ko‘rsatdi.
Renault Kaptur — yorqin va oilaviy
Renault’ning yana bir modeli — bu Kaptur krossoveri. Avtomobilning dizayniga alohida e’tibor qaratilgan, u yo‘lda boshqa avtomobillardan alohida ajralib turadi. Kaptur, shuningdek, old va orqa diod optika bilan jihozlangan. Ushbu yorqin avtomobilga asosan 17 dyuymli g‘ildiraklar o‘rnatiladi. Avtomobilning asosiy xususiyati uning ranglardir, chunki avtomobil ikki rangli ko‘rinishda yaratilgan. Tom va kuzov ranglarini bir-biriga moslashtirish mumkin. Zamonaviy Kaptur modeli ikki rangda bo‘yaladigan dastlabki avtomobillardan biridir (50-yillardagi Amerika va sovet avtomobillarini hisobga olmagan holda ular uchun kuzovni ikki xil rangda bo‘yash oddiy hol edi). Kompaniya kuzov va tomning 24 ta rang kombinatsiyasini taklif etadi.
Shunindek, avtomobilga turli xil yordamchi elektronika mavjud: yorug‘lik datchiklari, yomg‘ir datchiklari, juda yorqin nurda avtomatik ravishda xiralashadigan elektroxromli orqa ko‘zgu oynasi.
Renault Duster — jasur va mardonavor
Mashina oldingi ikkita modeldagi kabi platformada qurilganiga qaramay, u butunlay boshqacha xususiyatlarga ega. Renault Duster har qanday sharoitga to‘liq tayyor. uning yerdan balandligi 210 millimetrni tashkil etadi. Eng muhimi, kirish va chiqish burchaklari 30 darajadan oshadi. Bu sizga juda jiddiy to‘siqlarni yengib o‘tish imkonini beradi.
Ushbu mashinaning og‘irligi haqida ham to‘xtalib o‘tish lozim, u juda kichik. To‘liq uzatmali Duster’ning og‘irligi taxminan 1300 kilogrammni tashkil etadi. Boshqa og‘irroq yo‘ltanlamas avtomobillar tiqilib qolgan joyda u ishonch bilan harakatni davom ettiradi.
“Mashina o‘zining ishonchli ‘podveska’ tizimi bilan xaridorlarning e’tiborini qozongan. U hattoki tramplindan sakrash imkonini beradi. Ushbu ‘podveska’ oddiy yo‘llarda yuqori darajadagi qulaylikni ta’minlaydi. Avtomobil har qanday notekislikni ‘yutadi’, yo‘lda o‘zingizni yanada ishonchli his qilish imkonini beradi”, — deydi Anatoliy Kalitsev.
Yo‘ltanlamas konsepsiyasining yana bir muhim elementi uning to‘liq privodli uzatmasidir. Bu dunyodagi eng muvaffaqiyatli avtomobil tizimlaridan biri. Sinov uchun ikkita mashina taqdim etildi: biri mexanik, ikkinchisi CVT bilan. Shu sababli, sinovchilar ikkala uzatish qutisini ham sinab ko‘rish imkoniyatiga ega bo‘lishdi. Agar CVT avtomat uzatmasi haqida gapiradigan bo‘lsak, u Duster uchun maxsus ishlab chiqilgan va yo‘ltanlamas ish rejimini ta’minlaydi. Arkana va Kaptur modellari geometriya tufayli Duster kabi yo‘ltanlamas xususiyatlarga ega emas. Ushbu rejim sizga uzoq vaqt davomida uzatish qutisini zo‘riqtirmasdan gidrotransformatorda harakat qilish imkonini beradi.
“Yana bir muhim element — tepalikdan tushish assistenti. Odatda bu marketing xiylasi bo‘lib, tugmani bosganingizda mashina o‘zini tormozlaydi va soatiga 7 kilometr tezlikda harakatlanadi. Duster to‘liq ishlaydigan tizimga ega. Pastga tushish burchagiga qarab, tezlik tartibga solinadi — 5 dan 30 kilometrgacha.
Mutaxassislar, shuningdek, har uch model uchun umumiy bo‘lgan elementlar haqida ma’lumot berishdi. Bu kuchlanish agregati va CVT8 transmissiyasi. Ushbu dvigatelning yutug‘i uning samaradorligidir. Uning ishonchliligi turli xil iqlim sharoitlarida, shu jumladan, Yakutiyada (-50 daraja sovuqda) va Lotin Amerikasining issiq mamlakatlarida sinovdan o‘tkazildi. Dvigatel va transmissiya maksimal quvvatda 1000 soat davomida sinaldi, ya’ni avtomobil 40 kun davomida, kuniga 24 soat davomida harakat qildi. Duster sinovdan muvaffaqiyatli o‘tdi!
Renault Arkana, Renault Duster va Renault Kaptur’ning barcha imkoniyatlari so‘nggi test-drayv davomida sinovdan o‘tkazildi. Yo‘nalish mehmonlarni shahar markazidan yangi Oqtosh tog‘laridagi kurortlargacha olib bordi. Avtomobillar turli yo‘l qoplamalari va sharoitlarida harakatlandi. Shu jumladan, haqiqiy off-road sharoitlarida ham.
Reklama huquqi asosida.
Izoh (0)