20 миллион долларлик ишлаб чиқариш линиялари йилига 10 минг тоннадан ортиқ маҳсулот ишлаб чиқариш имконини беради.
2021 йил 17 декабрь куни пойтахтнинг Сергели туманида Россия ва МДҲ мамлакатларидаги энг йирик эгилувчан кўпикли полиуретан ишлаб чиқарувчи FoamLine заводини ишга тушди. Корхонанинг ишлаб чиқариш қуввати йилига 10 минг тоннадан ошади.
Воқеани шарҳлар экан, FoamLine компаниясининг президенти Артур Согомонян шундай деди:
«Замонавий технологиялар ва лойиҳаларни юқори даражада автоматлаштириш максимал меҳнат унумдорлигига эришиш имконини беради. Лойиҳа Ўзбекистондаги ва қўшни давлатлардаги рақобатчилардан сезиларли даражада ошиб кетади, заводнинг ўзи эса Марказий Осиёдаги энг йирик заводга айланади. Бу нафақат асосий харажатларни оптималлаштириш, балки шунга мос равишда истеъмолчига арзонроқ нархни таклиф этиш имконини яратади».
Заводни яратишга 20 миллион доллардан ортиқ сармоя киритилган. Бундай йирик инвестициялар, жумладан, Германия, Италия, Испания, Англия, Хитой ва Белоруссияда инновацион ускуналарни харид қилиш билан боғлиқ.
Кўпикли полиуретан ишлаб чиқариш заводи очилгандан сўнг FoamLine компанияси лойиҳани амалга оширишни давом эттиради — кейинги босқичда пружинали блоклар ишлаб чиқаришни йўлга қўйиш, кейин эса ўша майдонда матраслар ишлаб чиқариш бўлади.
Инвестиция лойиҳаси доирасида юздан ортиқ янги иш ўринлари яратилди — корхона ишга тушиши билан турдош тармоқларда яна 1000 дан ортиқ иш ўринлари яратилиши ҳисобга олинмаган ҳолда.
FoamLine маҳсулотлари енгил ва мебель саноати, қишлоқ хўжалиги ва автомобилсозлик саноатида кенг қўлланилади.
Реклама ҳуқуқи асосида.
Изоҳ (0)