“Hududgazta’minot” AJ va “Bank Apelsin” AJ o‘rtasida iste’molchilar tomonidan tabiiy va suyultirilgan gazdan foydalanganlik uchun to‘lovlarning o‘z vaqtida amalga oshirilishini yanada yaxshilash sohasida o‘zaro anglashuv memorandumi imzolandi.
Bu kabi hamkorlik davr taqozosidir. Hozirgi vaqtda O‘zbekistonda tabiiy va suyultirilgan gazning 7,5 milliondan ortiq foydalanuvchilari mavjud. Keyingi uch yil ichida gaz ta’minoti tizimi yangi rivojlanish darajasiga ko‘tarildi. Sohaga aholiga gaz yetkazib berish jarayonlarining ochiqligi, shaffofligi va ishonchliligini ta’minlashga imkon beradigan raqamli texnologiyalar faol joriy etilmoqda.
O‘z navbatida iste’molchilar ham “zangori yoqilg‘i”dan foydalanish uchun katta mas’uliyat seza boshladi. Tabiiy va suyultirilgan gazni nazorat qilish va hisobga olishni avtomatlashtirishga qaratilgan loyihalarning amalga oshirilishi iste’mol qilingan yoqilg‘i uchun to‘lovlarning o‘z vaqtida amalga oshirilishini ta’minlash va o‘zaro hisob-kitoblarda inson omiliga barham berishga imkon berdi.
Ta’kidlash lozimki, to‘lov tizimlari gaz ta’minotchisi va iste’molchi o‘rtasida ishonchli munosabatlarni ta’minlashda eng muhim rollardan birini o‘ynaydi. Ularning imkoniyatlari tufayli fuqarolar o‘z uyidan chiqmay turib, kunning istalgan vaqtida foydalanilgan yoqilg‘i uchun to‘lov qilishlari mumkin. Bugungi kunda gaz uchun to‘lovlarning 80 foizi onlayn rejimida amalga oshirilmoqda.
Iste’molchilar uchun qo‘shimcha qulayliklarni yaratish maqsadida “Hududgazta’minot” AJ va “Bank Apelsin” AJ o‘rtasida Apelsin mobil ilovasi orqali to‘lovlarni qabul qilish xizmatlarini ko‘rsatish yuzasidan shartnoma imzolandi. Ushbu servis orqali sanoqli soniyalar ichida ishlatilgan tabiiy yoki suyultirilgan gaz uchun to‘lovni amalga oshirishingiz hamda shaxsiy hisob raqamingiz holati haqida batafsil ma’lumotga ega bo‘lishingiz mumkin.
Gaz uchun to‘lovlarni o‘z vaqtida amalga oshirishni ta’minlash uchun “Hududgazta’minot” AJ hamkori sifatida “Bank Apelsin” AJ tanlangani bejiz emas, albatta. Ushbu bank eng qulay va ommabop to‘lov xizmatlaridan biriga va katta mijozlar bazasiga ega. Google Play va App Store ma’lumotlariga ko‘ra, bugungi kunda 1,5 milliondan ortiq odamlar Apelsin ilovasidan foydalanib kelmoqda. Bundan tashqari, unda barcha mobil ilovalar orasida birinchi bo‘lib “Mening uyim” tizimi joriy etilib, shu yerda siz barcha kommunal xizmatlarni bir joyda to‘plashingiz va guruhlashingiz mumkin.
Ilovaning bunday qulay funksiyalari iste’molchilarga gaz va boshqa kommunal to‘lovlar uchun qarzlar va oldindan to‘lovlar haqida xabardor bo‘lib turish imkonini beradi, chunki to‘lovlaringiz va iste’molingiz o‘rtasidagi vaziyatni real vaqt rejimida aks ettiradi, o‘zgartiradi. Hozirgi vaqtda internetga kirolmaydigan telefonlar uchun *799# komandasi orqali ushbu servisdan Android, iOS, USSD platformalari orqali foydalanish mumkin va veb-versiyasi ham mavjud.
“Hududgazta’minot” AJ va “Bank Apelsin” AJ o‘rtasidagi o‘zaro anglashuv memorandumi hamkorlikni mustahkamlash, iste’molchilarning to‘lov intizomini va mamlakat aholisiga “zangori yoqilg‘i”ni o‘z vaqtida yetkazib berishni yangi sifat darajasiga olib chiqishga imkon yaratadi.
Reklama huquqi asosida.
Izoh (0)