Hasanboy Do‘stmatov meksikalik bokschini muddatidan avval mag‘lubiyatga uchratdi

Toshkentda 17-dekabr, juma kuni professional boks kechasi bo‘lib o‘tdi.

Ushbu boks kechasida Rio—2016 Olimpiadasi g‘olibi Hasanboy Do‘stmatov (4-0, 3 KO) Xose Rivasga (18-13-4, 10 KO) ringa ko‘tarildi. Hasanboy jang davomida raqibi tomon bir qator kuchli zarbalar yo‘lladi. 4-raundga kelib esa Xose Rivas yuzidan jarohat oldi va jangni davom ettira olmasligini ma’lum qildi.

Shu tariqa Hasanboy professional boksdagi ketma-ket 4-jangida ham g‘alabani qo‘lga kiritdi. Do‘stmatov bundan oldingi jangini tanzaniyalik Muhsin Kizotaga (11-3, 5 KO) qarshi o‘tkazib, texnik nokaut evaziga g‘alaba qozongandi.

Avvalroq mazkur boks oqshomida Dilshod Ro‘zmetov, Iqboljon Xoldorov, Elnur Abduraimov va Bektemir Meliqo‘ziyev g‘alaba qozongandi.