Professional boksning yengil vazn toifasida harakat qilayotgan Elnur Abduraimov (8-0, 7 KO) 17-dekabr, juma kuni Toshkentdagi boks kechasida navbatdagi jangini o‘tkazdi.
Abduraimovga filippinlik Jon Gemino (22-13-1, 12 KO) raqiblik qildi. 10 raundga mo‘ljallangan jangning 6-raundiga kelib, Elnur kuchli zarbasi bilan Geminoni muvozanatdan chiqardi va nokaut evaziga g‘alaba qozondi.
Bu Elnur Abduraimov uchun professional boksdagi ketma-ket 8-g‘alaba bo‘ldi. U bungacha ketma-ket 7 ta jangda g‘alaba qozongandi.
Abduraimov oxirgi jangida 2021-yilning 26-fevralida Sherzodjon Abdurazzoqovni ochkolar hisobiga mag‘lub etgan. Undan oldin esa 2020-yilda meksikalik Abraham Olivani 1-raunddayoq nokautga uchratgandi.
Avvalroq Iqboljon Xoldorov belaruslik Dmitriy Milyushani nokaut evaziga mag‘lub etgandi.
Izoh (0)