Professional boksning super o‘rta vazn toifasida ringga chiqayotgan o‘zbekistonlik Bektemir Meliqo‘ziyev (8-1, 6 KO) 17-dekabr, juma kuni Toshkentdagi boks kechasida navbatdagi jangini o‘tkazdi.
Meliqo‘ziyevga rossiyalik Sergey Yekimov (18-4, 9 KO) raqiblik qildi. 8 raundga mo‘ljallangan jang to‘liq davom etdi va Meliqo‘ziyevning katta ustunligida o‘tdi. Yakunda Bektemir hakamlarning yakdil qarori bilan g‘alabani tantana qildi.
Bu Meliqo‘ziyev uchun professional faoliyatidagi 8-g‘alaba bo‘ldi. U oxirgi jangida amerikalik Gabriel Rosadoga qarshi ringga ko‘tarilib, ayanchli nokautga uchragandi.
Avvalroq mazkur boks oqshomida Dilshod Ro‘zmetov, Iqboljon Xoldorov va Elnur Abduraimov g‘alaba qozongandi.
Izoh (0)