Futbol bo‘yicha Angliya Premyer Ligasining 17-turidan o‘rin olgan “Manchester Siti” va “Lids” o‘rtasidagi bahs 14-dekabr, seshanba kuni bo‘lib o‘tdi.
Uchrashuvning 8-daqiqasida Fil Foden hisobni ochdi. Shundan so‘ng Jek Grilish va Kevin de Bryuyne o‘z hisobiga gol yozdirib qo‘ydi. Ikkinchi bo‘limda Riyod Mahrez “shaharliklar”ning to‘rtinchi golini urgan bo‘lsa, de Bryuyne uchrashuvdagi ikkinchi golini rasmiylashtirdi. Jon Stounz va Natan Ake “Manchester Siti”ning oltinchi va yettinchi goliga mualliflik qildi.
Pep Gvardiola jamoasi ushbu g‘alabadan so‘ng ochkolari sonini 41 taga yetkazdi va eng yaqin ta’qibchisidan 4 ochko o‘zib ketib, musobaqa yetakchisi bo‘lib turibdi.
APL
17-tur bahsi
14-dekabr, seshanba
“Manchester Siti” – “Lids” 7:0
Gollar: 1:0 – 8 Foden, 2:0 – 13 Grilish, 3:0 – 32 de Bryuyne, 4:0 – 49 Mahrez, 5:0 – 62 de Bryuyne, 6:0 – 74 Stounz, 7:0 – 78 Ake.“Manchester Siti”: Ederson, Stounz, Laport, Ruben Diash (Ake, 65), Zinchenko, de Bryuyne, Bernardu Silva (Gundo‘g‘an, 46), Rodri (Fernandinyo, 56), Grilish, Foden, Mahrez.
“Lids”: Melye, Eyling, Lyorente, Firpo (Drame, 73), Dallas, Forshou, Harrison, Sheklton (Klix, 38), Jeyms (Gelxardt, 46), Roberts, Rafinya.
Ogohlantirishlar: Firpo (20), Ruben Diash (40).
Izoh (0)