Сирожиддин Эшматов Давлат солиқ қўмитаси раиси ўринбосари лавозимига тайинланди, деб хабар бермоқда Telegram’даги «Нигоҳ» канали.
Сирожиддин Эшматов 1971 йилда Қашқадарё вилоятида туғилган. 1991 йилда Тошкент халқ хўжалиги институти, 1999 йилда Президент ҳузуридаги Давлат ва жамият қурилиш академиясини тамомлаган.
Солиқ тизимидаги фаолиятини 1992 йилда Китоб шаҳар давлат солиқ инспекциясида инспекторлик вазифасидан бошлаб, 27 йил давомида вилоят солиқ хизмати органларида турли раҳбарлик лавозимларида меҳнат қилган.
Тайинловга қадар 2019 йилнинг мартидан буён Сурхондарё вилояти давлат солиқ бошқармаси бошлиғи лавозимида ишлаб келаётганди.
Жиззах вилояти давлат солиқ бошқармаси бошлиғининг биринчи ўринбосари лавозимида ишлаб келган Эркин Нарманов Сирожиддин Эшматов ўрнига Сурхондарё вилояти давлат солиқ бошқармаси бошлиғи лавозимига тайинланди.
Изоҳ (0)