Mashhur turk aktyori Kadir Dog‘ulu Star kanali jurnalistlari tomonidan berilgan qisqa intervyuda o‘ziga berilgan bir qancha savollarga javob berdi.
Aktyor turmush o‘rtog‘ining muvaffaqiyatlaridan faxrlanishini va sog‘lig‘i bilan bog‘liq ishdagi tanaffusga qaramay, xorijda mukofotlar olishda davom etayotganidan xursand ekanligini ta’kidladi. Aktrisa yaqinda “Sevgi iztirobi” teleserialidagi roli uchun mukofotlandi.
Shuningdek, jurnalistlar aktyordan so‘nggi kunlarda u Neslihanga xiyonat qilgani va shuning uchun juftlik oilasida kelishmovchilik borligi haqidagi xabarlarga izoh berishini so‘radi.
“Ha, men bu xabarni ko‘rdim. Uni o‘qib chiqib, darhol shunday dedim: ‘Xotin! Men senga xiyonat qildim’. Biz birgalashib kulib yubordik”, – deydi Kadir.
Kadir Dog‘ulu – taniqli turk aktyori. U tashqi ko‘rinishi, baland bo‘yi tufayli darrov e’tiborga tushgan va model sifatida ishlashga taklif qilingan. 2010-yilda aktyorlik faoliyatini boshlagan Kadir “Kichik sirlar” teleserialida Merve Bolug‘ur, Burak O‘zchivit va Sine Kobal bilan birgalikda Ali rolini o‘ynagan. Shundan so‘ng “Yomon yettilik” serialidagi Guney rolida paydo bo‘ldi. Aktyor “Ishq sohillari” serialidagi Majid roli bilan tanilgan. 2015-yilda Kadir “Sevgi bilan o‘ralgan” serialida Go‘khan rolini o‘ynadi. So‘ngra u “Ko‘sem Sulton” serialidagi Qrim xoni Mehmed Geray rolini mahorat bilan ijro etdi.
Mavzuga doir:
- Neslihan Atagul turmush o‘rtog‘i Kadir Dog‘uluning xiyonati haqidagi mish-mishlarga munosabat bildirdi (video)
- “Sevgi iztirobi” yulduzi Neslihan Atagul ayol haydovchini ishga yolladi
- Turk aktyori Kadir Dog‘ulu Burak O‘zchivit bilan o‘rtalaridagi adovat haqidagi mish-mishlarga nima sabab bo‘lganini ma’lum qildi
Izoh (0)