Машҳур турк актёри Кадир Доғулу Star канали журналистлари томонидан берилган қисқа интервьюда ўзига берилган бир қанча саволларга жавоб берди.
Актёр турмуш ўртоғининг муваффақиятларидан фахрланишини ва соғлиғи билан боғлиқ ишдаги танаффусга қарамай, хорижда мукофотлар олишда давом этаётганидан хурсанд эканлигини таъкидлади. Актриса яқинда «Севги изтироби» телесериалидаги роли учун мукофотланди.
Шунингдек, журналистлар актёрдан сўнгги кунларда у Неслиҳанга хиёнат қилгани ва шунинг учун жуфтлик оиласида келишмовчилик борлиги ҳақидаги хабарларга изоҳ беришини сўради.
«Ҳа, мен бу хабарни кўрдим. Уни ўқиб чиқиб, дарҳол шундай дедим: ‘Хотин! Мен сенга хиёнат қилдим’. Биз биргалашиб кулиб юбордик», – дейди Кадир.
Кадир Доғулу – таниқли турк актёри. У ташқи кўриниши, баланд бўйи туфайли дарров эътиборга тушган ва модель сифатида ишлашга таклиф қилинган. 2010 йилда актёрлик фаолиятини бошлаган Кадир «Кичик сирлар» телесериалида Мерве Болуғур, Бурак Ўзчивит ва Сине Кобал билан биргаликда Али ролини ўйнаган. Шундан сўнг «Ёмон еттилик» сериалидаги Гуней ролида пайдо бўлди. Актёр «Ишқ соҳиллари» сериалидаги Мажид роли билан танилган. 2015 йилда Кадир «Севги билан ўралган» сериалида Гўкҳан ролини ўйнади. Сўнгра у «Кўсем Султон» сериалидаги Қрим хони Меҳмед Герай ролини маҳорат билан ижро этди.
Мавзуга доир:
Изоҳ (0)