Ular mashhur bo‘lishni xohlamagan: Bred Pitt, Jennifer Lourens va boshqa yulduzlar bolaligida kim bo‘lishni orzu qilgan? (foto)

Ba’zi taniqli insonlar yoshligidanoq aktyor yoki qo‘shiqchi bo‘lishni maqsad qilgan, ammo ularning orasida tamoman boshqa kasbni egallashni istaganlar ham bor edi. Garchi ularning orzusi ushalmagan bo‘lsa-da, san’at sohasida muvaffaqiyatga erishgan.

Bred Pitt

Aktyorning arxitektura haqidagi Design e2 serialining ovoz berish jarayonida ishtirok etishi bejizga emas. U arxitektor bo‘lishni xohlagan va hatto shu yo‘nalishda institutga kirmoqchi ham bo‘lgan.

Jennifer Lourens

Aktrisa bolaligidanoq shifokor bo‘lishni orzu qilgan. Ammo u o‘rta maktabda diqqatini jamlay olmasligidan qo‘rqib, bu orzusidan voz kechgan.

Kendall Jenner

Kardashyan-Jennerlarning kichik singlisi kelajakda hayvonlarga yordam berishni – veterinar bo‘lishni orzu qilgan. Yana bir orzusi professional chavandoz bo‘lish edi. Ammo u oxiri modelga aylandi.

Jorj Kluni

Aktyor o‘z hayotini beysbol bilan bog‘lamoqchi bo‘lib, ko‘p yillar davomida shug‘ullandi va hatto Sinsinnati Reds jamoasi a’zosi bo‘lishga harakat qildi. Ammo keyin hammasi o‘zgarib ketdi.

Mayli Sayrus

Xonanda bolaligida to‘y tashkilotchisi bo‘lishni xohlagan. Albatta, u o‘z vazifasini ajoyib tarzda uddalagan bo‘lar edi, chunki Mayli bayramlarni va kutilmagan hodisalarni yaxshi ko‘radi.

Riz Uizerspun

Aktrisa dastlab bolalar jarrohi bo‘lishni orzu qilgan. 2019-yilda bergan intervyusida u agar orzusini amalga oshirganida hozirgidan ham baxtliroq bo‘lishini aytib o‘tgan edi.

Mettyu Makkonaxi

Aktyor huquqshunos bo‘lishni xohlagan, hattoki kollej diplomiga ham ega. Ammo keyinchalik Mettyu bu kasbga bo‘lgan qiziqishini yo‘qotdi va tanlagan boshqa sohasida muvaffaqiyatga erishdi.

Yeva Longoriya

“Umidsiz uy bekalari” aktrisasi fizioterapevt bo‘lishni rejalashtirgan va hatto o‘qish uchun Texasga ham borgan. Ammo keyin u hamma narsani tashlab, filmlarda rol o‘ynashni boshlab yuborgan.