Instagram: 150 ming dollarlik mashina sotib olgan Hosila Rahimova, Muqaddas Xoliqova xonadonida mehmondorchilik, yana o‘g‘illi bo‘ladigan Asal Shodiyeva

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Yigitali Mamajonov folloverlarining oila haqidagi fikrlarini so‘radi.

Halima Ibragimova 9-dekabr kuni o‘g‘li Jasurning tug‘ilgan kunini nishonlamoqda.

9-dekabr kuni Bollivud aktrisasi Katrina Kaif hamkasbi Viki Kaushalga turmushga chiqdi. Yulduzli juftlikning to‘yidan ilk suratlar ijtimoiy tarmoqlarda tarqaldi.

Zohirshoh Jo‘rayev musofirlarga atalgan ta’sirli qo‘shig‘ini taqdim etdi.

Ulug‘bek Rahmatullayev Yevropa safarida kabutarlarga don berayotgani aks etgan arxiv suratini sahifasiga joyladi.

Sitora Alimjonovaga bo‘yi uzunligidagi guldastani sovg‘a qilishdi.

Dilnoza Kubayeva Turkiya safaridagi surati bilan bo‘lishdi.

Ozoda Nursaidova Toshkentda yagona bo‘lgan Prada modeliga tegishli eksklyuziv oyoq kiyimini xarid qildi.

Nilufar Usmonova xonadoniga onasi, xolalari hamda xolavachchalari tashrif buyurdi.

Xonanda Hosila Rahimova salkam 150 ming dollar turuvchi Toyota Land Cruiser yo‘ltanlamasini xarid qildi hamda ushbu quvonchli voqeani videoga muhrlab, muxlislari bilan baham ko‘rdi.

Rejissor Zebo Navro‘zova Asal Shodiyevaning ikkinchi farzandi ham o‘g‘il ekanini bildirib qo‘ydi. Nevarasi aks etgan videoni “Kichkina Shohruhxon. U yaqinda ukali bo‘ladi”, deb izohlagan Zebo Navro‘zova.

O‘zbekiston xalq artisti Muqaddas Xoliqova qarindoshlari uchun xonadonida mehmondorchilik tashkillashtirdi. Aktrisaning qizi Zebuniso kuzatuvchilari uchun ota uyidan reportaj tayyorladi.