Toshkentda pandemiya bilan kurash davomida jonini fido qilgan tibbiyot xodimlari xotirasiga bag‘ishlangan aksiya boshlandi, deb xabar bermoqda poytaxt hokimligi matbuot xizmati.
Qayd etilishicha, 11-dekabr kuni soat 10:00 da G‘alaba bog‘iga kirish oldidagi maydonchada Xotira xiyobonini tashkil qilish ishlariga start beriladi. Birinchi bosqichda 61 ta daraxt: chinor, qayrag‘och va akatsiyalar ekiladi.
Aksiya O‘zbekiston Landshaft san’ati uyushmasi va Olmazor tuman hokimligi tashabbusi bilan tashkil etilmoqda.
Sog‘liqni saqlash vazirligi shu kungacha qancha tibbiyot xodimi koronavirus bilan kurash davomida vafot etgani haqida ma’lumot bermagan. “Fidokorlar” Telegram-kanali ma’lumotlariga ko‘ra, 2020-yilda O‘zbekistonda 485 dan ortiq tibbiyot xodimlari vafot etgan.
Izoh (0)