Buxoro viloyatida kredit chiqarishga yordam bermoqchi bo‘lgan firibgar olgan pullarni qaytarib berdi, deb xabar bermoqda Iqtisodiy jinoyatlarga qarshi kurashish departamenti.
Ma’lum qilinishicha, Bosh prokuratura huzuridagi departamentning Buxoro viloyati boshqarmasi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda savdo-sanoat palatasi viloyat hududiy boshqarmasi tadbirkorlik subyektlari huquqlarini himoya qilish sektori yetakchi mutaxassisi O.D. xizmat mavqeyidan foydalanib, “M.I.” MChJ rahbari M.ga bankdan 400 ming dollar kredit olib berishda amaliy yordam berish evaziga 3 ming dollarni firibgarlik yo‘li bilan qo‘lga kiritgan.
Qayd etilishicha, fuqaro pulni qaytargan, jarayon protsessual tartibda rasmiylashtirilgan. Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Samarqandda tadbirkorlarning qariyb 550 mln so‘m pulini o‘zlashtirgan shaxslar aniqlandi
- Andijonda o‘zini Ispaniya banki vakili deya tanishtirib, 200 ming dollar kredit olib berish uchun pul talab qilgan shaxs ushlandi
- Jizzaxda qo‘l ostidagi 33 nafar farrosh va hamshira nomiga kredit rasmiylashtirib, firibgarlik qilgan katta hamshira qo‘lga olindi
Izoh (0)