Samarqand viloyati Ishtixon tumanidagi xonadonlarning biridan noma’lum etiologik zaharlanish bilan vafot etgan fuqaro jasadi topilgan. Bu haqda tuman hokimining mazkur baxtsiz hodisani tekshirish va hisobga olish to‘g‘risida qarorida ma’lum qilingan.
Qayd etilishicha, 19-oktabr kuni Ishtixon tumani “Namuna” MFYda yashovchi F.A.ning yashash xonadonidan bir kishining jasadi topilgan. Dastlabki surishtiruvda mazkur xonada ko‘mirning chala yonishidan ehtiyotsizlik bilan foydalanilgani aniqlangan.
Sud tibbiy ekspertizaning dastlabki ma’lumotiga ko‘ra, ushbu fuqaro noma’lum etnologik moddadan zaharlangan deb gumon qilinmoqda.
Shu munosabat bilan Ishtixon tumani hokimi sodir bo‘lgan baxtsiz hodisa sabablarini tekshirish bo‘yicha qaror qabul qilgan. Qarorda tuman mas’ullariga sodir bo‘lgan hodisa yuzasidan komissiya tuzish va baxtsiz hodisa sabablarini sinchkovlik bilan o‘rganish, zarurat tug‘ilgan taqdirda, baxtsiz hodisa sabablarini aniqlash uchun ekspertlar yoki qo‘shimcha mutaxassislar jalb etish vazifasi yuklangan.
Eslatib o‘tamiz, bundan avval Samarqand viloyati Past Darg‘om tumanidagi korxonalardan biriga o‘rnatilgan konteyner ichida ikki nafar ishchining jasadi noma’lum moddadan zaharlanish alomatlari bilan topilgandi. Keyinchalik ular is gazidan zaharlanib, vafot etgani ma’lum bo‘lgandi.
Izoh (0)